२९ साउन, ललितपुर । मंगलबार दिउँसो ललितपुरको कुपण्डोलमा बम भेटिएको हल्लाले एक छिन आतंक सिर्जना गर्यो ।
बीच सडकमा कसैले प्रेसर कुकर छाडेर गएपछि केही बेर सडक अवरुद्धसमेत हुन पुग्यो भने स्थानीय वासिन्दा त्रासमा परे ।ज्वागलबाट शंखमूलतिर जाने सडकनजिकै शंकास्पद प्रेसर कुकर भेटिएको थियो । त्यस नजिकै एउटा स्कुटर पनि ढलेको देखेपछि धेरैले उक्त बम प्रेसर कुकर बम राख्ने क्रममा नै ढलेको अनुमान गरे ।
तर महानगरीय प्रहरी परिसर ललितपुरका प्रमुख गणेश ऐर नजिकै प्रेसर कुकर देखेपछि डराएर ढलेको बताउँछन् । ‘नजिकै प्रेसरकुकर देखेपछि स्कुटरचालक डराएर ढलेको रहेछ’ उनले भने । प्रेसर कुकर भेटिएको केहीबेरमै महानगरीय प्रहरी परिसर ललितपुरबाट डीएसपी दीलिपराज झा नेतृत्वको टोली घटनास्थल पुगेको थियो ।
‘घटनास्थल पुगेपछि हाम्रो टोलीले प्रेसरकुकरलाई तानेर साइडमा ल्याएर सडक सञ्चालन गर्यो’ एसएसपी ऐरले भने । प्रहरीले उक्त प्रेसरकुकरलाई बमको आशंकामा नेपाली सेनाको बम डिस्पोजल टोलीलाई बोलाए पनि बम नभएको पुष्टी भएको ऐरले जानकारी दिए ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…