एजेन्सी । फुटबल मैदानमा लियोनल मेसीले पाएको सफलताको कथा लाखौं भइसकेको छ । तरपनि मेसीको विश्वकप जित्ने सपनाले अझै पूरा भएको छैन । एकपटक आफ्नै सक्रियतामा अर्जेन्टिनालाई विश्वकप फुटबलको उपाधि चुमाउने सपना बुनेका मेसी यस मामलामा अभागी बन्दै आएका छन् ।
यसबाहेक ३१ बर्षीय मेसीको दुनियाँमा हरेक सपना पूरा भएको छ । धेरैलाई पत्यार नलाग्न सक्छ । स्पेनिस क्लब बार्सिलोनका सुपरस्टार मेसी महंगा कार र नीजि विमानका पनि सौखिन हुन्, भनेर ।
वास्तवमा फुटबलपछि मेसी लग्जरियस कार र विमानका पनि सौखिन पारखी हुन् । यसअघि महंगा कार र नीजि विमान भएका मेसीले हालै नयाँ विमान खरिद गरेका छन् । मेसीले अहिले १५ मिलियन अमेरिकी लडर अर्थात् एक अर्ब ६९ करोड ४६ लाख रुपैयाँमा नयाँ विमान किनेका हुन् ।
यसअघि एउटा नीजि विमान भएको मेसीको अब दुईवटा विमान भएको छ । मेसीको नयाँ विमान शुक्रबार मात्र अर्जेन्टिनाको राजधानी लगिएको छ । मेसीले अमेरिकामा खरिद गरको उक्त विमान त्यहाँको हवाई विभागमा दर्ता गर्नका लागि अर्जेन्टिना लगिएको हो । विमानको अगाडी र पछाडीको भागमा मेसीले लगाउने जर्सी नम्बर १० लेखिएको छ ।
मेसीले विमानको स्वरुप र सजावट पनि आफ्नै ढंगले तयार गर्न लगाएका छन् । १६ वटा सिट क्षमता भएको अत्याधुनिक यस विमानभित्र दुई वटा बाथरुम र दुईवटै किचेन छ । मेसीले विमानमा पनि आफ्ना परिवारका सदस्यको नाम लेखाएका छन् । विमानभित्र मेसीकी श्रीमती लियो एन्टोनियला, छोराहरु थियागो, सिरो र माटियो नाम लेखिएको छ ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…