साधारण तारेखमा रिहा डा. गोविन्द केसी

सर्वोच्च अदालतले डा.गोविन्द केसीलाई बिनाधरौटी तारेखमा रिहा गरेको छ । डा.केसीलाई उनका कानुन व्यवसायी एवम् वरिष्ठ अधिवक्ता डा.सुरेन्द्र भण्डारीको जिम्मा लगाउन भनिएको छ ।साथै,अदालतले प्रधानन्यायाधीश गोपाल पराजुलीको प्रमाणपत्र विवादका सम्बन्धमा जिल्ला प्रशासन कार्यालयबाट बुझ्ने र प्रमाणपत्रको सम्बन्धमा न्यायपरिषद्‍बाट कागज झिकाउने उल्लेख छ।

अदालतको मानहानी मुद्दामा डा.गोविन्द केसी सोमबार साँझ पक्राउ परेका थिए । डा.केसीले प्रहरी हिरासतभित्र पनि आफ्नो अनसन जारी राखेका थिए। उनले आफ्नो माग पूरा नहुन्जेल अनसन जारी राख्ने बताएका छन्।