गाडी ब्याक गर्ने क्रममा पैदलयात्री को मृत्यु

चितवन बैशाख २६ ,
जिल्ला प्रहरी कार्यालय चितवनका अनुसार मंगलबार साँझ ६:३० बजेको समयमा गाडी ब्याक गर्ने क्रममा पैदलयात्रीलाई ठक्कर दिँदा चितवनको इच्छाकामना गाउँपालिका–४ स्थित मुग्लिन बजारमा उक्त दुर्घटना भएको हो।एकजनाको मृत्यु भएको छ। अर्का एकजना घाइते भएका छन्।

काठमाडौँबाट नारायणगढतर्फ आउँदै गरेको ना ३ ख २७०७ नम्बरको बसले ब्याक गर्ने क्रममा ठक्कर दिँदा सुर्खेतको भेरीगंगा नगरपालिका–७ का दिलबहादुर खत्रीको मृत्यु भएको प्रहरीले जानकारी दिएको छ।

दुर्घटनामा गम्भीर घाइते भएका खत्रीको उपचारका लागि काठमाडौँ लगिएकोमा बाटोमा नै मृत्यु भएको हो। शवलाई अहिले भरतपुर अस्पतालमा ल्याएर राखिएको छ। सो दुर्घटनामा परी सोही ठाउँका ६४ वर्षीय हरिबहादुर घर्ती घाइते भएको र उनको चितवन मेडिकल कलेजमा उपचार भइरहेको प्रहरीले जनाएको छ। बसका चालक भने नियन्त्रणमा छन्।