साउदीको “नेपाली संगीत सर्मपण ” ले गर्यो मृगौला पिडित गायिकालाई आर्थिक सहयोग

साउदी अरब राम प्रसाद बस्याल :>  नेपाली तारा ३ का टप ६ प्रतिस्पर्धी गायिका जल्जला परियारको दुबै मृगौलामा समस्या भइ हाल काठमाडौको शिक्षण अस्पतालमा उपचाररत छिन्। परिवारको आर्थिक स्थिती कम्जोरका कारण उपचारमा ढिलासुस्ती भैरहेको जल्जलाका परिवारले जानकारी दिए ।

सेवा नै धर्म हो भन्ने भनाइलाई चरितार्थ गरि प्रवासीभुमि साउदी अरबमा रहेको अल्मराई कम्पनिमा कार्यरत नेपाली गीत संगीतप्रती समर्पित “नेपाली संगीत समर्पण” नामक संस्थाले जलजलाको उपचारको लागि रु ५०,२६०.०० आर्थिक सहयोग गरिएको अध्यक्ष राम प्रसाद बस्याल ले एन. ए. मेडिया लाई जानकारी दिए । उक्त आर्थिक सहयोग रकम संस्थाका संयोजक तथा गाएक रोम लामाले जल्जलाका बुबालाई हस्तान्तरण गरेका हुन् ।

देश बिदेश जहा सुकै रहेर पनि गीत संगीत लाई जगेर्ना गर्दै सम्पुर्ण कलाकारहरु नै आबद्ध रहेको “नेपाली संगीत समर्पण” सस्थाको उद्देश्य जय गीत जय संगीत को नारा मात्र नभै सेवा नै धर्म हो भन्ने पनि रहेको छ, तसर्थ पहिलो पटक यस सस्थाले जल्जला परियार लाई सहयोग गरि समाजिक सेवामा पनि ध्यानाकर्षण गरेको छ, यस सस्थामा जम्मा १६ जना आवद्ध रहेका छन् |

सबै जना गीत संगीतमा लागेका विभिन्न बिधामा आवद्ध संगीत क्षेत्रमा कलाकारहरु रहेका छन्, साथै यस संघमा राम प्रसाद बस्याल , रबिन गिरि, जगत तामाङ, नथान शर्मा, ओम रोदन, ओम गुरुङ, ओम पाण्डे, बिबेक के. सी, रोम लामा, बल बहादुर थापा, बिष्णु ब. बुढाथोकी, हिम थापा , दल बहादुर थापा, तुलसी उप्रेती, सरोज तिमिल्सिना, सुरज अर्याल रहेका छन् ।