क्यानडामा भैरहेको ग्लोबल टी–ट्वेन्टी क्रिकेट लिगमा नेपाली स्पिनर सन्दीप लामिछानेले आफ्नो प्रभाव देखाउन थालेका छन् । मोन्ट्रियल टाइगर्समा आवद्ध सन्दीपले सुरुको खेलमा महंगो बलिङ गरे पनि पछिल्ला दुई खेलमा भने फर्किएका छन् । पहिलो खेलमा सन्दीपले ४ ओभर ५७ रन खर्चिएर एक विकेट लिएका थिए ।
आफ्नो दोस्रो खेलमा सन्दीपले चार ओभर बलिङ गर्दै १९ रन खर्चिएर एक विकेट लिएका थिए । मोन्ट्रियल टाइगर्सको पहिलो खेल भने सन्दीपले प्राविधिक कारणले गर्दा गुमाएका थिए । बुधबार भएको एडमन्टन रोयलविरुद्धको खेलमा सन्दीपले शानदार बलिङ गरेका छन् । सन्दीपले आफ्नो पहिलो ओभरमा नै मेडन ओभर राख्दै एक विकेट लिए ।
सन्दीपले फ्याँकेको गुगली बल सिधै विकेटमा लाग्न पुगेको थियो ।
उनले १२ बल खेल्दै ९ रन बनाएर खेलिरहेका एडमन्टनका भरपर्दा ब्याट्सम्यान आन्द्रे फ्लेचरलाई आउट गरेका हुन् । त्यस्तै उनले आफ्नो दोस्रो ओभरमा मात्रै पाँच रन खर्चिए भने तेस्रो ओभरमा सात रन खर्चिए । मोन्ट्रियल टाइगर्सका लागि १२ औँ र आफ्नो अन्तिम ओभरमा सन्दीपले मात्रै ४ रन खर्चिए ।
बुधबारको खेलमा सन्दीपको टिम मोन्ट्रियलले एडमन्टन रोयल्सलाई १५ रनले हरायो । चार खेलमध्ये यो नै सन्दीपको टिमको पहिलो जित हो । पहिले ब्याटिङ गरेको मोन्ट्रियल टाइगर्सले निर्धारीत २० ओभरमा ६ विकेट गुमाउँदै १२९ रन बनाएको थियो । १३० रनको विजयी रन पछ्याएको एडमन्टन रोयल १९ ओभर एक बलमै आफ्ना सबै विकेट गुमाउँदै ११४ रनमा समेटिएको थियो ।
मोन्ट्रियल टाइगर्सले अर्को खेल जुलाई ९ मा टोरन्टो नेसनलसँग खेल्दैछ । सन्दीप लामिछानेलाई मोन्ट्रियल टाइगर्सले ४० हजार डलरमा किनेको थियो । इन्डियन प्रिमियर लिगमा दिल्ली डेयरडेभिल्समा आवद्ध भएका सन्दीपले आफूले खेलेका तीन खेलमै पाँच विकेट लिँदै विश्वभरबाट चर्चा बटुलेका थिए ।
काठमाडौँ । नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसन (नाईमा) ले गत भदौ २३ र २४…
टोकियो - पछिल्लो समयमा नेपालमा खासगरी युवा पुस्तामाझ अत्यधिक रुचाईएको साँगीतिक 'ब्याण्ड सज्जनराज वैद्य' को…
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…