बङ्गलादेशमा रहेका म्यान्माली रोहिङ्ग्या जातिका शरणार्थीलाई स्वदेश फिर्तागर्ने बारेमा दुई देशका अधिकारीबीच छलफल भएको छ । बङ्गलादेश र म्यानमारका अधिकारीबीच सोमबार यस विषयमा छलफल भएको एकजना बङ्गलादेशी अधिकारीले आफ्नो नाम नबताउने शर्तमा जानकारी दिएका छन् । उनका अनुसार यसअघि बङ्गलादेश र म्यानमारबीच भएको करिब दुई महिना भित्रमा रोहिङ्ग्या शरणार्थी फिर्ता गर्नेसम्बन्धी सहमतिको आधारमा सोमबार सो छलफल भएको हो ।
यस विषयमा थप छलफलका लागि सोमबार बङ्गलादेश र म्यानमारका गृह प्रशासनअन्तर्गतका उच्च अधिकारीबीच बङ्गलादेशको ढाकामा भेटवार्ता भएको उनले बताएका छन् । तर सो वार्तामा के कति प्रगति भयो वा कहिलेदेखि ती शरणार्थीलाई स्वदेश फर्काउने प्रक्रियाको थालनी हुनेछ भन्ने बारेमा भने उनले केही बताएका छैनन् ।
म्यानमारमा उक्त समुदायमाथि भएको हिंसात्मक गतिविधिपछि सेनाले चलाएको सैनिक अभियानबाट बस्न नसकेर म्यानमारको रोहिङ्ग्या समुदायले देश छोडेर भागेको थियो ।
विशेषगरी रोहिङ्ग्याको बसोबास रहेको म्यानमारको राखिन राज्यबाट करिब छ लाख २० हजार जनता भागेर बङ्गलादेश पुगेका छन् । गत अक्टोबरको २५ तारिखदेखि भागेका शरणार्थी हाल बङ्गलादेशको कोक्स बजार क्षेत्रमा बसेका छन् ।
विश्वभरबाट म्यानमारको रोहिङ्ग्या शरणार्थीलाई फिर्तागर्न माग गरिरहेको समयमा म्यानमारकी प्रजातन्त्रवादी नेत्री आङसान सुकी र बङ्गलादेशका विदेश मन्त्री ए एच महमद अलिबीच म्यानमारको न्यापितमा गत महिना शरणार्थीलाई फर्काउने सहमति भएको थियो ।
दुई महिनाभित्र पहल शुरु गर्ने सहमति भएको उक्त बैठकपछि जारी गरिएको विज्ञप्तिमा जनाइएको थियो । सोही बमोजिम सोमबार र त्यसअघि पनि दुई पटकसम्म यी दुई देशका अधिकारीबीच छलफल भएको थियो ।
यी दुई देशले सहमति गरेअनुसार दुवै देशका तर्फबाट संयुक्त रुपमा कार्यदल बनाई काम शुरु गरिने जनाइएको थियो । तर त्यस्तो कार्यदल गठन भएको बारेमा पनि समाचार भने सार्वजनिक भएको छैन ।
उता हालैमात्र मानवअधिकारवादीहरुले सार्वजनिक गरेको एक प्रतिवेदनमा म्यानमारको सेनाकै संलग्नतामा उनीहरुमाथि हिंसा भएको मात्र नभएर करिब ७ हजार जनाको हत्या नै भएको भनी एक अनुसन्धान प्रतिवेदनमा बाहिर आएको थियो ।
तर सो प्रतिवेदनप्रति म्यानमारको सेनाले भने आपत्ति जनाएको छ । आफूले त्यस्तो हिंसा नगरेको उसको दाबी छ । तर त्यसप्रति विश्वास गर्ने आधारहरु भने नभेटिएको विश्व समुदायको भनाई छ ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…