एसीसी यु–१६ इस्टर्न रिजन क्रिकेटको फाइनल प्रवेशका लागि नेपालले शनिबार मलेसियासँग प्रतिस्पर्धा गर्दै छ । उपाधि रक्षा गर्ने लक्ष्यसहित थाइल्याण्ड प्रस्थान गरेको नेपालले सेमिफाइनलमा मलेसियासँग प्रतिस्पर्धा गर्न लागेको हो ।
बैंककस्थित ट्रेडथाई क्रिकेट मैदानमा शनिबार विहान हुने खेलमा नेपाल जित हात पार्दै फाइनलमा प्रवेश गर्ने दाउमा छ । नेपाली टिम प्रतियोगिताकै बलियो टिम गनिन्छ । डिफेन्डिङ च्याम्पियन नेपालले जारी प्रतियोगितामा कुनै पनि खेल हारेको छैन ।
नेपाल समूह ए को विजेता बन्दै सेमिफाइनलमा प्रवेश गरेको हो । नेपालले आफ्नो पहिलो खेलमा आयोजक थाइल्याण्डलाई १३३ रनले पराजित गरेको थियो । आफ्नो दोस्रो खेलमा नेपालले हङकङलाई ४ विकेटले पराजित गरेको थियो । समूह चरणको आफ्नो अन्तिम तथा तेस्रो खेलमा थाइल्याण्डलाई ३३७ रनले पराजित गर्दै नेपाल सेमिफाइनल पुगेको हो ।
थाइल्याण्डलाई पराजित गर्ने क्रममा नेपालका कप्तान रित गौतमले शतक प्रहार गरेका थिए । निर्धारित ३५ ओभरमा ३५० रनको विशाल योगफल तयार पारेको नेपालका लागि रितले नटआउट १०६ रन बनाएका थिए । त्यस्तै नेपालका अन्य दुई खेलाडीले अर्धशतक प्रहार गरेका थिए । नेपालका तृतराज दासले ६४ र प्रतिश जिसीले नटआउट ६३ रन बनाएका थिए ।
यता, मलेसिया भने समूह बी को उपविजेता बन्दै सेमिफाइनलमा प्रवेश गरेको हो । मलेसियाले आफ्नो तीन खेलमा दुईमा जित र एक खेलमा हार ब्यहोर्दै सेमिफाइनल प्रवेश गरेको हो । मलेसियाले भुटानलाई १७१ रनले र चीनलाई ४ विकेटले पराजित गरेको थियो भने सिंगापुरसँग भने २९ रनले पराजित भएको थियो ।
दोस्रो सेमिफाइनलमा शनिबार नै हङकङले सिंगापुरको सामना गर्दै छ ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…