नेकपा माओवादी केन्द्रका अध्यक्ष पुष्पकमल दाहालले देश समृद्धिको दिशामा अघि बढेको बताउनु भयो l माडीको बरुवामा बुधबार आयोजित विजयीसभालाई सम्बोधन गर्दै निर्वाचनको समयमा वाम गठबन्धनको पक्षमा देखिएको जनलहर समृद्धि, सुशासन र एकताका लागि भएको बताउनु भयो l
देश र जनतालाई अहिले विकासको आवश्यकता छ भन्दै उनले जनतामाझ आफूले गरेका प्रतिबद्धता पूरा गरिछाड्ने बताए । आफूले निर्वाचनको समयमा माडीलाई ‘मणि’ बनाउने सपना देखेको बताउँदै अब त्यो सपना साकार हुने प्रतिबद्धता व्यक्त गरे । माडीमा रिङरोड निर्माण गर्ने, पर्यटकीय केन्द्र बनाउने, चितवन र माडीको विकासका लागि सधैं प्रतिबद्ध रहने, कृषि, पर्यटन र पूर्वाधार विकासका दृष्टिकोणले जनताले अनुभूति गर्ने गरी काम गर्ने अध्यक्ष दाहालले उल्लेख गर्नुभयो l
माडी क्षेत्रमा नदी कटान नियन्त्रणका लागि ‘रिभर म्यानेजमेन्ट मास्टर प्लान’अन्तर्गत् काम गर्ने बताउँदै उनले जंगली जनावरबाट हुने क्षति न्यूनीकरणका लागि पर्खालसहितको ‘मेसजाली’ निर्माण गर्ने बताउनुभयो l निर्वाचित भएपछि भरतपुर महानगरपालिकाका क्षेत्र नम्बर–३ मा पर्ने विभिन्न वडामा घरदैलो गरी मतदातालाई धन्यवाद दिएका दाहालले बुधबार माडीका विभिन्न वडामा घरदैलो गर्दै मतदाताहरूलाई धन्यवाद दिनुभयो l
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…