भबिन्द्र गौतम, २३, बैसाख । कोरोना भाइरस ( कोभिड-१९) को संक्रमण नियन्त्रणको लागि चैत्र ११ गते देखि जारी लकडाउनको कारण देश ठप्प छ । अत्यावश्यक सवारीसाधन बाहेकका सबै घर ग्यारेजमा थन्किएका छन । सार्वजनिक यातायात क्षेत्र सबैभन्दा बढी जोखिममा रहेको क्षेत्र हो । सबैतिर राहतको कुरा उठेको बेलामा यातायात ब्यवसायीहरु पनी आफ्नो क्षेत्रमा राहत को माग अगाडि सारेका छन । 
मङ्गलबार सार्बजनिक यातायातको बिमा सम्बन्धि समस्या र सामाधान सहितको पत्र नेपाल गणतान्त्रिक यातायात मंचका अध्यक्ष डोलनाथ खानाल र नेपाल लोकतान्त्रिक यातायात ब्यवसायी राष्ट्रिय संगठनका कार्यबाहक अध्यक्ष हेमेन्द्र शेरचेन द्वारा संयुक्त हस्ताक्षर गरि बिमा समितिमा पेश गरेको गणतान्त्रिक यातायात मंचका अध्यक्ष डोलनाथ खानालले जानकारी दिनुभयो । लकडाउन अवधिकोमा सार्नजनिक सवारीका साधन सन्चालन नभइ बिमा समेत निष्क्रिय भएको हुँदा बिमा प्रीमियम लाई नबिकरण मा समायाेजन गर्नुपर्ने, लकडाउनमा परेका सर्बसाधारण लाई उद्धार गर्ने क्रममा छिट्फुट मात्रामा दुर्घटना बाट क्षेती भएका साधन को यथासिध्र क्षेतिपुर्ती भुक्तानी दिने ब्यवस्था मिलाउन ध्यानाकर्षण पत्रमा माग गरिएको छ । 
ब्यवसायीका माग प्रती बिमा समिती सकारात्मक रहेको सहभागी भरत तिमिल्सेनाले जानकारी दिनुभयो । यसअघी सार्बजनिक सवारीको बैक किस्ता तथा ब्याज सम्बन्धी राहत दिन संगठनले रास्ट्रबैक सङग माग गरेको थियो ।
