बिर्तामोड रन प्रतियोगिता–२०८२ : विजेताहरू सम्मानित

बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ आयोजित “बिर्तामोड रन प्रतियोगिता–२०८२” सफलतापूर्वक सम्पन्न भएको छ। कार्यक्रमको समापनमा पुरुष तथा महिला दुवै तर्फका विजेताहरुलाई आकर्षक नगद पुरस्कार, प्रमाणपत्र, मेडल र मायाको चिनोसहित सम्मान गरिएको छ।

पुरुषतर्फका विजेता:
प्रथम स्थान प्राप्त गर्न सफल नगेन्द्र सिंह राउतले नगद रु २५ हजार, प्रमाणपत्र, मेडल, मायाको चिनो फूल, कन्सर्ट टिकट तथा ‘प्राचीन रेस्टुरेन्ट’मा फ्री लन्च वा डिनर प्राप्त गर्नुभयो।
दोस्रो स्थानमा रहेका कुलबहादुर बस्नेतले नगद रु १५ हजार, प्रमाणपत्र, मेडल, मायाको चिनो फूल, कन्सर्ट टिकट र फ्री लन्च/डिनर पाउनुभयो।
तेस्रो स्थान हासिल गर्ने तेन्जिङ शेर्पाले नगद रु १० हजार, प्रमाणपत्र, मेडल, मायाको चिनो फूल, कन्सर्ट टिकट र फ्री लन्च/डिनर प्राप्त गर्नुभयो।

महिलातर्फका विजेता:
प्रथम स्थानमा रहन सफल पुष्पा स्वरमा लिम्बूलाई नगद रु २५ हजार, प्रमाणपत्र, मेडल, मायाको चिनो फूल, कन्सर्ट टिकट तथा फ्री लन्च वा डिनर ‘प्राचीन’मा प्रदान गरिएको छ।
दोस्रो स्थानमा रहेकी दिपा बस्नेतलाई नगद रु १५ हजार, प्रमाणपत्र, मेडल, मायाको चिनो फूल, कन्सर्ट टिकट तथा फ्री लन्च/डिनर प्रदान गरिएको छ।
तेस्रो स्थान हासिल गर्ने मन्दिरा महतराले नगद रु १० हजार, प्रमाणपत्र, मेडल, मायाको चिनो फूल, कन्सर्ट टिकट तथा फ्री लन्च वा डिनर प्राप्त गर्नुभयो।

प्रतियोगितामा बिर्तामोडका युवादेखि वरिष्ठ नागरिकसम्मको उत्साहजनक सहभागिता रहेको आयोजक समितिले जनाएको छ। विजेताहरुलाई प्रमाणपत्र र पुरस्कार वितरण गर्दै प्रमुख अतिथिले खेलकुदले स्वास्थ्य र समाज दुवै सुदृढ बनाउने भएकाले यस्ता कार्यक्रम निरन्तर गर्नुपर्नेमा जोड दिनुभयो।

कार्यक्रमको व्यवस्थापन अनारमनी सोसियल युथ क्लबद्वारा गरिएको हो।