नेप्से परिसूचक ३८ अंकले घट्दा सबै उपसूचक पनि घटे

काठमाडौं । आज शेयर बजार नेप्से परिसूचक ३८ दशमलव ४५ अंकले घटेर २,७७६ दशमलव ६१ अंकको विन्दुमा कायम भएको छ । आज १५ वटा कम्पनीको शेयर मुल्य बढेको छ भने १७० वटा कम्पनीको शेयर मुल्य घटेको छ । आज सबै उपसूचक घटेका छन् ।

आज २३३ वटा कम्पनीको ९३ लाख ५८ हजार ७ सय कित्ता शेयर किनबेच हुँदा ४ अर्ब ३१ करोड ३१ लाख ५४ हजार रुपैयाँको शेयर कारोबार भएको छ । आज सबैभन्दा धेरै अपि पावर कम्पनीको शेयर कारोबार भएको छ । कम्पनीको १६ करोड ७७ लाख रुपैयाँको शेयर कारोबार भएको छ । कम्पनीको शेयर मुल्य ५१२ रुपैयाँ रहेको छ ।

आज अरुण भ्याली हाइड्रोपावर कम्पनीको १३ करोड ५५ लाख रुपैयाँको शेयर कारोबार भएको छ । अपर तामाकोशीको १० करोड ३१ लाख रुपैयाँको शेयर कारोबार भएको छ । हाइड्रोइलेक्ट्रिसिटि एण्ड इन्भेष्टमेन्टको ९ करोडमाथिको शेयर कारोबार भएकाो छ ।

आज सबैभनदा धेरै विन लघुवित्त र बुद्धभुमी हाइड्रोपावर कम्पनीका लगानीकर्ताले कमाएका छन् । कम्पनीका लगानीकर्ताले १० प्रतिशतका दरले कमाएका हुन् । सिएचडिसी कम्पनीका लगानीकर्ताले ४ प्रतिशतका दरले कमाएका छन् । सानिमा जनरल इन्स्योरेन्स कम्पनीका लगानीकर्ताले पनि ४ प्रतिशतका दरले कमाएका हुन् ।

आज सबैभन्दा धेरे पोखरा फाइनान्स कम्पनीका लगानीकर्ताले गुमाएका छन् । कम्पनीका लगानीकर्ताले ५ प्रतिशतका दरले गुमाएका हुन् ।