लमजुङ: नेकपा एमालेले लमजुङको ८ वटै स्थानीय तहमा उम्मेदवारको टुंगो लगाएको छ । एमालेले लमजुङको बेसीसहर नगरपालिका प्रमुखमा गुमानसिंह अर्याललाई दोहोर्याएको छ भने उपप्रमुखमा पदमा गुरुङलाई उम्मेदवार बनाएको छ ।
मध्यनेपाल नगरपालिका प्रमुखमा राजकुमार श्रेष्ठलाई उम्मेदवार बनाएको छ । श्रेष्ठ यसअघि उपप्रमुख थिए । यसैगरी उपप्रमुखमा सीता गुरुङलाई उम्मेदवार बनाएको छ ।
सुन्दरबजार नगरपालिका प्रमुखमा भीमबहादुर गुरुङ र उपप्रमुखमा भवानी केसीलाई उम्मेदवार बनाएको छ । राइनास नगरपालिका प्रमुखमा सिंहबहादुर थापा र उपप्रमुखमा शोभा पन्थी चिलुवाललाई उम्मेदवार बनाएको छ ।
गाउँपालिकातर्फ दोर्दी गाउँपालिका प्रमुखमा युवराज अधिकारी र उपाध्यक्षमा कार्यपालिका सदस्य उषा गुरुङलाई उम्मेदवार बनाएको छ । त्यस्तै मर्स्याङ्दी गाउँपालिका अध्यक्षमा अर्जुन गुरुङलाई दोहोर्याएको छ भने उपाध्यक्षमा जुना थापालाई उम्मेदवारमा उठाउने भएको छ ।
क्व्होलासोंथर गाउँपालिका अध्यक्षमा सूर्यप्रसाद गुरुङ र उपाध्यक्षमा कार्यपालिका सदस्य गमीमाया गुरुङलाई उठाउने भएको छ । यसैगरी दूधपोखरी गाउँपालिकाको प्रमुखमा तेजबहादुर गुरुङलाई अध्यक्षको उम्मेदवार बनाएको छ भने उपाध्यक्षमा कृष्णमाया गुरुङलाई चयन गरिएको नेकपा एमाले गण्डकी प्रदेश कमिटी सचिव धनञ्जय दवाडीले जानकारी दिए । सत्ता गठबन्धनले भने उम्मेदवार टुंगो लगाएको वा नगलगाएको बारे जानकारी गराएको छैन ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…