काठमाडौँ: नेपाल स्टक एक्सचेन्ज परिसूचक (नेप्से) साताको चौंथो कारोबारको दिन बुधबार १५ अंकले गिरावट आएको छ । बुधबार नेप्सेमा १५.५० अंकले गिरावट आएको हो । बुधबार २७३५.९३ अंकबाट सुरु भएको परिसूचक बिन्दु बजार बन्द हुने बेला २७२०.४४ अंकमा ओर्लिएको छ ।
आजको कारोबारमा सेयर बजार परिसूचक ०.५७ प्रतिशतले घटेको छ । त्यस्तै ‘क’ वर्गका कम्पनीको सेयर मूल्य मापन गर्ने सेन्सेटीभ इन्डेक्स ५.२२ अंक अर्थात १ प्रतिशतले घटेर ५१७.९४ अंकमा ओर्लिएको छ ।
साताको चौथो कारोबारको दिन आज २२८ कम्पनीको ३ अर्ब १३ करोड १२ लाख १० हजार २ सय ८२ रूपैयाँ बराबरको ६२ लाख ४७ हजार ७ सय ७४ कित्ता सेयर ४८ हजार ९ सय ११ पटक खरिद बिक्री भएको छ ।
बजार घट्दा आज कारोबार भएका कम्पनीहरूमध्ये ५८ कम्पनीको सेयर मूल्य बढेको छ भने १ सय २८ कम्पनीको सेयर मूल्य घटेको छ ।
दिव्यश्वरी हाइड्रोपावर लिमिटेड तथा युनाइटेड आइडीआई आरबी हाइड्रो पावर लिमिटेडकोको सेयर मूल्यमा आज सर्किट ब्रेकर लागेको छ । आज कारोबार उच्च हुने अन्य कम्पनीहरूमा घेल्मदी हाइड्रो लिमिटेड, तेह्रथुम पावर कम्पनी, रूरू जलविद्युत परियोजना, सामलिङ पावर कम्पनी लगायत छन् ।
समूहगत परिसूचकतर्फ हाइड्रो क्षेत्र र म्युचल फण्ड बढ्दा अन्य परिसूचक घटेका छन् । आज हाइड्रो समूह १.०७ प्रतिशत तथा म्युचल फण्ड समूह ०.८४ प्रतिशतले बढेका छन् । आज गुमाउने पाँच कम्पनीमा प्रभु बैंक डिबेन्चर , नेपाल फाइनान्स लिमिटेड , सपोर्ट माइक्रो फाइनान्स लिमिटेड, गुँरास लघुवित्त तथा लक्ष्मी इक्वटी फण्ड रहेका छन् ।
काठमाडौँ — नेपाल धितोपत्र बोर्ड का अध्यक्ष सन्तोषनारायण श्रेष्ठ ले आफ्नो पदबाट राजीनामा दिएका छन्।…
काठमाडौँ – पूर्वप्रधानमन्त्री केपी शर्मा ओली पक्राउ परेका छन्। उनलाई सिआइबीको टोलीले शनिबार बिहान गुण्डुबाट…
काठमाडौँ — नेपाली कांग्रेसका नेता तथा पूर्वगृहमन्त्री रमेश लेखक पक्राउ परेका छन्। नेपाल प्रहरी को…
काठमाडौं। पूर्वप्रधानमन्त्री तथा नेकपा एमालेका अध्यक्ष केपी शर्मा ओलीलाई पितृ शोक परेको छ। उनका पिता…
काठमाडौं । नेपालको पहिलो प्रतिस्पर्धात्मक राष्ट्रियस्तरको लोकदोहोरी गायन रियालिटी शो ‘लोकदोहोरी स्टार सिजन–१’ अन्तिम चरणमा…
काठमाडौँ। भारतीय प्रधानमन्त्री नरेन्द्र मोदीले राष्ट्रिय स्वतन्त्र पार्टी (रास्वपा)का सभापति रवि लामिछाने र पार्टीका वरिष्ठ…