त्रिवि अन्तर्राष्ट्रिय क्रिकेट मैदानमा जिम्बावे र नेपाल भिड्दै

काठमाडौँ: नेपाल क्रिकेट संघ (क्यान) ले जिम्बावे ‘ए’ विरुद्धको सिरिज खेल्ने नेपाली राष्ट्रिय टिमको घोषणा गरेको छ । नेपालले जिम्बावे ‘ए’ विरुद्ध तीन एकदिवसीय र तीन ट्वान्टी-२०को सिरिज खेल्नेछ । क्यानको घोषित टिममा २३ सदस्य छन् ।

त्यसमा कप्तान सन्दीप लामिछानेसहित दीपेन्द्रसिंह ऐरी, कुशल भर्तेल, आरिफ सेख, आसिफ सेख, रोहित पौडेल, विनोद भण्डारी, करण केसी, सोमपाल कामी, देव खनाल, किशोर महतो, अदिल अन्सारी, भीम सार्की र सुमन भारी छन् ।
यस्तै टिममा परेका अन्य खेलाडीमा पवन सर्राफ, अभिनास बोहरा, बासिर अहमद, लोकश बम, विवेक यादव, साहब आलम, सागर ढकाल, विक्रम सोब र सुनिल धमला छन् । जिम्बावेविरुद्धको १० दिन चल्ने शृंखला कीर्तिपुरस्थित त्रिवि अन्तर्राष्ट्रिय क्रिकेट मैदानमा हुनेछ ।