झापा । झापाको निर्वाचन क्षेत्र नं २ मा मतगणना शुरु भइसक्दा क्षेत्र नं १ र ५ मा पनि गणना शुरु गर्न सर्बदलीय बैठक बस्दैछ ।
सबै मतपेटिका संकलन भइसकेकाले गणना गर्नका लागि सर्बदलीय बैठक बोलाइएको हो । अहिले ८ बजे सर्वदलीय बैठक बोलाइएको हो । सम्बन्धित क्षेत्रका राजनीतिक दल र उम्मेदवारहरुको बैठकको निर्णय अनुसार ती क्षेत्रमा पनि छिट्टै मतगणना शुरु गर्ने तयारी भइरहेको जिल्ला निर्वाचन अधिकारी तुलसीकुमार नेपालले बताए ।
झापा क्षेत्र नं २ मा भने मतगणना शुरु भएको छ । बिहान ४ बजेदेखि अर्जुनधारा नगरपालिकामा मतगणना शुरु गरिएको हो । सर्वदलीय बैठक सकेर गणना शुरु गरिएको जनाइएको छ ।
अर्जुनधारा ११ को मतपेटिकाबाट गन्न थालिएको हो । त्यसपछि बिहान ९ बजेबाट अन्य ८ ठाउँमा मतगणना हुने जनाइएको छ । अहिले एक ठाउँमा मतगणना शुरु गरिएकोमा बिहान ९ बजेबाट प्रतिनिधिसभाको प्रत्यक्षतर्फ २ ठाउँ , प्रदेशसभाको प्रत्यक्षतर्फ २ ठाउँ , प्रतिनिधिसभाको समानुपातिकतर्फ २ ठाउँ र प्रदेशसभाको समानुपातिकतर्फ २ ठाउँ गरी थप ८ ठाउँमा गणना गर्नेगरी तयारी थालिएको छ ।
यस क्षेत्रमा एमालेका देवराज घिमिरे , गठबन्धनका हरि राना , स्वतन्त्र उम्मेदवार स्वागत नेपालबीच मुख्य प्रतिष्पर्धा हुने देखिएको छ ।
त्यस्तै झापा ३ मा बिहान ८ बजेदेखि मतगणना शुरु हुँदैछ । सर्बदलीय बैठक सम्पन्न गरी बिहान ८ बजेबाट प्रतिनिधि सभाको प्रत्यक्षतर्फको गणना शुरु हुने प्रदेश सभा सदस्यका उम्मेदवार बसन्त बानियाले जनाएका छन् ।
त्यस्तै झापा क्षेत्र नं ५ मा पनि बिहान ८ बजेबाट गणना शुरु हुनेछ । झापा ५ मा राति ३.३० बजे मात्र मतपेटिका निर्वाचन अधिकृतको कार्यालयमा बुझाइएको छ । जसले गर्दा रातिदेखि नै गणना सुरु गर्ने भनिए पनि अहिले विहान ८ बजेबाट सुरु गरिने जनाइएको छ ।
काठमाडौँ — नेपाल धितोपत्र बोर्ड का अध्यक्ष सन्तोषनारायण श्रेष्ठ ले आफ्नो पदबाट राजीनामा दिएका छन्।…
काठमाडौँ – पूर्वप्रधानमन्त्री केपी शर्मा ओली पक्राउ परेका छन्। उनलाई सिआइबीको टोलीले शनिबार बिहान गुण्डुबाट…
काठमाडौँ — नेपाली कांग्रेसका नेता तथा पूर्वगृहमन्त्री रमेश लेखक पक्राउ परेका छन्। नेपाल प्रहरी को…
काठमाडौं। पूर्वप्रधानमन्त्री तथा नेकपा एमालेका अध्यक्ष केपी शर्मा ओलीलाई पितृ शोक परेको छ। उनका पिता…
काठमाडौं । नेपालको पहिलो प्रतिस्पर्धात्मक राष्ट्रियस्तरको लोकदोहोरी गायन रियालिटी शो ‘लोकदोहोरी स्टार सिजन–१’ अन्तिम चरणमा…
काठमाडौँ। भारतीय प्रधानमन्त्री नरेन्द्र मोदीले राष्ट्रिय स्वतन्त्र पार्टी (रास्वपा)का सभापति रवि लामिछाने र पार्टीका वरिष्ठ…