बन्द रहेका सहकारी, बित्तिय तथा लघुबित्तिय संस्थाहरु र पुस्तक पसल समेत विहान ७-११ बजेसम्म खुल्ने छन् ।
पाल्पा ३१, जेठ ।
पाल्पामा जारी निषेधाज्ञा यही असार १२ गते सम्म थपिएको छ । निषेधाज्ञा केही खुकुलो बनाइएको छ ।
यस अघि बन्द रहेका सहकारी, बित्तिय तथा लघुबित्तिय संस्थाहरु, बिमाकम्पनी र पुस्तक पसल समेत विहान ७-११ बजेसम्म खुल्ने छन् । सार्वजनिक यातायात र अन्य पसलहरु खुल्ने छैनन ।
जिल्ला प्रशासन कार्यालय पाल्पामा बसेको जिल्ला कोभिड संकट ब्यवस्थापन केन्द्रको बैठकले निषेधाज्ञालाई थप गरेको प्रमुख जिल्ला अधिकारी योगेन्द्र प्रसाद पाण्डेले जानकारी दिनुभयो । गएको वैशाख १७ गते राति १२ बजेदेखि जिल्लामा सुरु भएको निषेधाज्ञा छैटौं पटक थप गर्दै असार १२ गते राति १२ बजे सम्मका लागी कायम गरिएको छ ।
यस अघि बिहान ७ देखि १० बजे सम्म संचालन अनुमति पाएका अत्यावश्यक दैनिक उपभोग्य खाद्ध सामान बिक्रि गर्ने पसलहरु, दुध, फलफुल, तरकारी पसल , माछामासु, पानी ग्यास पेट्रोलियम पदार्थ तथा निर्माण सामाग्रीका पसलहरु अव ७ देखि ११ बजे सम्म संचालन हुनेछन ।
नयाँ शैक्षिक सत्र सुरुवात भएकाले पाठ्यपुस्तक विक्रीमा सहजिकरणका लागि पुस्तक पसल समेत खोल्ने निणर्य भएको हो । अत्यावश्यक सेवाका कार्यालय र सवारीसाधनहरु संचालन हुनेछन् ।
जिल्लामा कोरोना संक्रमणका संक्रिय संक्रमितको संख्या ७ सय ५६ रहेको छ । जसमध्ये ७ सय ३ जना होम आइसोलेसनमा रहेका छन । ५३ जना अस्पतालमा उपचाररत रहेका छन भने कोरोनाको दोस्रो लहरमा पाल्पामा ९५ जनाले ज्यान गुमाएका छन ।
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…
प्युठानको गौमुखी गाउँपालिका–६ लिवाङ बुक्तिचौरमा फुलेको लालीगुराँस। ढकमक्क फुलेको लालीगुराँसले अत्यधिक रूपमा आन्तरिक पर्यटकलाई आकर्षित…