बुटवल ,३० वैशाख। रुपन्देहीमा कोरोना संक्रमणबाट थप तीन जनाको मृत्यु भएको छ । मृत्यु हुने तीनजना मध्ये दुईजना तिलोत्तमा नगरपालिकाका र एकजना बुटवलका छन् ।
बुटवल–६ का ८१ वर्षीय पुरुषको लुम्बिनी प्रादेशिक अस्पतालको इमर्जेन्सीमा बिहीबार बिहान ५.३० बजे मृत्यु भएको अस्पतालका प्रवक्ता डा. विष्णु गौतमले बताए ।
योसँगै रुपन्देहीमा कोरोना संक्रमितको मृत्यु हुने संख्या ३१२ पुगेको छ । जिल्लामा ७००२ जना सक्रिय संक्रमित छन् । बुधबार रुपन्देहीमा हालसम्मकै धेरै १६ जना संक्रमितको मृत्यु भएको थियो ।
