प्रदेश नं १ मा आज मोरङमा, धनकुटा र खोटाङमा १/१ जनामा कोरोनाको संक्रमण पुष्टि भएको हो । प्रादेशिक जनस्वास्थ्य प्रयोगशाला विराटनगरमा गरिएको परीक्षणमा सो नतिजा आएको मन्त्रालयमा प्रवक्ता डा जागेश्वर गौतमले बताउनु भयो ।
२ दिन केही कमी आएको पीसीआर परीक्षणको संख्या आज बृद्धि भएको छ । गत २४ घण्टामा ७ हजार ७९१ वटा नमुना परीक्षण हुँदा नेपालमा कुल पीसीआर परीक्षणको संख्या २ लाख २३ हजार ६३० पुगेको छ ।
क्वारेन्टाइनमा रहेका मानिसको संख्या दैनिक घटि रहेको छ । हाल क्वारेन्टाइनमा बस्ने मानिसको संख्या ५७ हजार ३६८ रहँदा आइसोलेशनमा रहेर उपचार गराउने संक्रमितको संख्या १० हजार ८५ रहेको समेत स्वास्थ्य मन्त्रालयले जनाएको छ ।
नेपालमा कोरोनाका कारण मृत्यु हुनेको संख्या २९ :
नेपालमा कोराना संक्रमण पछि ज्यान गुमाउनेको संख्या २९ पुगेको छ ।
असार १३ गते निधन भएका रौतहटका ३० बर्षीय पुरुषमा हिजो कोरोनाको संक्रमण पुष्टि भएको स्वास्थ्य मन्त्रालयले जानकारी दिएको छ ।
उनी फोक्सोको बिरामी भएर अस्पताल भर्ना भएको मन्त्रालयले बताएको छ ।
