सन्ताेष गहतराज पाल्पा – जिल्लाकाे वग्नासकाली गाउँपालिकाले फलफूलका बिरुवा बितरण गरेकाे छ ।
गाउँपालिकाले ९ वटै वडामा हावापानी सुहाउदाे ठाउँका लागि उपयुक्त हुने बिरूवा छनाेट गरि कागती,सुन्तला,केरा,लिचि,माैसम,अंगुर लगाएतका फलफूलका बिरूवा वितरण गरेको हाे ।
लकडाउन भएसँगै कृषकहरू कृषि पेशामा उत्प्रेरित भईरहेका बेला गाउँपालिकाले फलफूलका बिरुवा वितरण गरेको छ ।
गाउँपालिका अध्यक्ष कृष्णप्रसाद बस्यालले बग्नासकाली गाउँपालिकाले बिगतका बर्ष देखि नै बग्नासकाली गाउँपालिकालाई फलफूल गाउँकाे रूपमा परिचित गराउन ५० प्रतिशत अनुदानका कृषकहरूलाई फलफूलका बिरूवाहरू वितरण गरेकाे बताउदै याे बर्ष पनि कार्यक्रमलाई निरन्तरता दिदै बिरुवा वितरण गरिएको बताउनु भयाे । विशेष गरि बग्नासकाली गाउँपालिकाले कागतीलाई पकेट क्षेत्रकाे निर्माण गर्नका लागि कागतीका बिरूवालाई प्राथमिकताका साथ वितरण गरेको बताउनु भयाे । कागती उत्पादन पनि धेरै हुने बेच्न पनि बजारकाे समस्या नहुने र बादरले पनि क्षति नपुग्याउने भएकोले गाउँपालिकाले कागती विरूवालाई प्राथमिकताका साथ वितरण गरेकाे बताउनु भयाे ।
प्रशासकिय अधिकृत सुन्दर श्रेष्ठले अहिले बग्नासकाल गाउँपालिकाले पालिकाका ९ वटै वडाहरूमा करिब २७ हजार ५ सय वटा बिरुवा वितरण गरेकाे बताउनु भयाे । जस मध्ये कागती १५ हजार,सुन्तला ६ हजार,अाप २ हजार,लिचि २ हजार,केरा २ हजार, माैसम १ सय र कफि ५ बितरण गरेको बताउनु भयाे ।
गाउँपालिकाका कृषि शाखा प्रमुख राजेश बाेहाेराले बग्नासकाली गाउँपालिकाले फलफूल विस्तार कार्यक्रम अन्तर्गत १० लाख बजेट छुट्याई फलफूलका बिरुवा वितरण गरेकाे बताउनु भयाे । साथै बग्नासकाली गाउँपालिकाले कागती र सुन्तला पकेट क्षेत्र निर्माणका गर्नका लागि कागती र सुन्तलाका बिरूवालाई प्राथमिकता दिई वितरण गरेको बताउनु भयाे ।
बिर्तामोड । बिर्तामोडस्थित अतिथी सदनमा नेपाल पत्रकार महासंघ झापा शाखाले २६ जना झापाली पत्रकारलाईपुरस्कार तथा…
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…