हेटौंडा — त्रिभुवन राजपथ बन्नुअघि भीमफेदीबाट गाडी बोकेर काठमाडौं पुर्याउनेमध्येका एक हिराबहादुर घलानको निधन भएको छ ।मकवानपुरको थाहा नगरपालिका–५ पुरन्डीका बासिन्दा घलानको ९१ वर्षको उमेरमा मंगलबार राति निधन भएको हो ।
पक्षघात रोगबाट पीडित उनी पछिल्लो समय आफन्तको सहारामा भित्रबाहिर गर्थे । ‘राति ११ बजे उनको मृत्यु भयो,’ स्थानीयजनप्रतिनिधि चमेली वाइबाले भनिन्, ‘हाम्रो एउटा इतिहासको अन्त्य भयो ।’ राणाकालदेखि नै भीमफेदीबाट गाडी बोकेर काठमाडौंपुर्याउनेहरूमध्ये पछिल्लो समय उनी मात्र जीवित थिए । अरूको यसअघि नै निधन भइसकेको छ । त्यति बेला यसै क्षेत्रका केहीबासिन्दाले मात्र गाडी बोक्थे ।
बिरामी र बुढ्यौलीका कारण घलान ७–८ वर्षयता घर छाडेर टाढा जान सकेका थिएनन् । पछिल्लो समय पक्षघातसँगै दुवै घुँडा दुख्नेसमस्या थियो । ‘आफूसँग गाडी बोक्नेहरू सबै मरिसके, अब म मात्र बाँकी छु,’ उनी भन्थे । सँगै गाडी बोक्ने छिमेकी जुक्तबहादुरवाइबाको मृत्यु भएपछि एक्लो महसुस भएको घलान सुनाउँथे । वाइबाको तीन वर्षअघि मृत्यु भएको थियो ।
घलानले १८ वर्षको उमेरदेखि गाडी बोक्न सुरु गरेका थिए । उनलाई मार्खुका नाइकेले यो काममा लगाएका थिए । घलानले लगातार २५वर्ष भीमफेदीबाट गाडी बोकेर काठमाडौं पुर्याए । त्यही कमाइले पुरन्डीमा ३० रोपनी जग्गा जोडेका थिए । ‘अहिले गाडीले मान्छे बोक्छ ।त्यति बेला मान्छेले गाडी बोक्थे,’ घलान भन्ने गर्थे । उनका अनुसार आफूहरूले गाडी बोकेर काठमाडौं पुर्याएको सुनाउँदा नयाँ पुस्तालेपत्याउँदैनथ्यो । ‘गाडी पनि बोक्न सकिन्छ र भन्दै नातिनातिना उल्टै जिस्क्याउँथे,’ उनी भन्थे ।
घलानका अनुसार आफू बलियो र अग्लो भएका कारण नाइकेले उनलाई सधैं अग्रभागमा राखेर गाडी बोकाउँथे । सुरुमा उनले ३२ जनाकोटोलीमा साना गाडी बोकेका थिए । सात दिनमै गाडी बोकेर काठमाडौं पुर्याएबापत उनको टोलीलाई राणाहरूले २० रुपैयाँ बक्सिसदिएका थिए । घलानका दुई छोरा र तीन छोरी छन् ।
बिर्तामोड । बिर्तामोडस्थित अतिथी सदनमा नेपाल पत्रकार महासंघ झापा शाखाले २६ जना झापाली पत्रकारलाईपुरस्कार तथा…
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…