सत्ताइस वर्ष पहिले निर्माण गरिएको खानेपानी आयोजनाको ट्याङ्की चुहिन थालेपछि काठेखोला गाउँपालिका–१ पालागाउँमा खानेपानीको समस्या भएको छ । खानेपानी जम्मा गर्ने र वितरण गर्ने ट्याङ्की चुहिन थालेकाले पालाका १५ अहिले समस्यामा परेका हुन्। उक्त पानी ट्याङ्कीमा केही समय पहिले अज्ञात समूहले तोडफोड गरेको थियो ।
तत्कालिन जिल्ला विकास समितिले २०५० सालमा बनाएको यो योजना मर्मतका लागि बजेट छैन । कहिँ कतैबाट बजेट नआउने रउपभोक्ताले मात्रै पैसा उठाएर मर्मत गर्न सक्ने अवस्था नरहेकाले ट्याङ्की अलपत्र भएको उपभोक्ता झपेन्द्रबहादुर थापाले बताउनुभयो ।‘‘पानीको स्रोत त थियो, सङ्लकन गरेर वितरण गरे मात्र पुग्थ्यो’’ उहाँले भन्नुभयो, ‘‘सिधै पाइप लगाए एकदुई घरलाई मात्र पुग्छ, सबैलाई वितरण गर्न सकिंदैन ।’’
मर्मतका लागि चाहिने रू डेढ लाखको अभावमा ट्याङकी जीर्ण भइ अहिले ट्याङ्कीको भग्नाबशेष मात्रै रहेको र पानीका लागि अहिलेस्थानीयवासीले सास्ती खेप्दै आएका छन् ।
पालाकै धिमीमा तीन वर्षअघि बनाइएको खानेपानीको ट्याङ्कीको निर्माण नसकिंदै चुहिन थालेकोले वितरण नै हुन सकेन । बाहिरबाटहेर्दा आर्कषक देखिने यो ट्याङकीमा पानी नअडिने भएको छ । खानोपनी तथा सरसफाइ डिभिजन कार्यालयले ठेक्कामा लगाएको योआयोजनाका ठेकेदारले काम अलपत्र पारेर हिँडेको उपभोक्ता गोरे बिकले बताउनुभयो ।
“काम पनि राम्रो गरेनन्, पानीको स्रोत पनि हिनामिना बनाए” उहाँले भन्नुभयोे, “कसलाई भनेर समस्या समाधान हुन्छ भन्ने पत्तो लगाउनसकिएन । यो ट्याङकीबाट पनि यहाँका १२ घरधुरीले पानी खान्थे । मर्मतको अभावमा चुहिने भएपछि खोल्साको पानी बोकेर खान बाध्यछन् । ”
डिभिजन कार्यालयमार्फत सञ्चालित योजनामा भने रकम धेरै भएपनि परिचालन खर्च थोरै आउने गरेको डिभिजन प्रमुख राजेन्द्रन्यौपानेले बताउनुभयो । जिल्लाका दर्जनौं योजना बजेट अभावले अधुरा भएको र उपभोक्ताले खानेपानीको सास्ती खेप्न बाध्य भएकोउहाँको भनाइ थियो ।
खानेपानीको सास्ती भएपछि वडाको बजेट टोल–टोलमा सुरक्षित ट्याङ्की निर्माणमा लगाइएको वडाध्यक्ष खड्ग थापाले बताउनुभयो । गत आर्थिक वर्ष वडाले गण्डकी प्रदेश सरकारबाट प्राप्त रू ३० लाख र गाउँपालिकाको रू ८ लाखको लागतमा टोल टोलमा ट्याङ्की, घरघरमा धारा कार्यक्रम सञ्चालन गरेको थियो । चालु आर्थिक वर्षका लागि पनि छुटेका टोलमा ट्याङ्की मर्मतका लागि बजेट बिनियोजनगर्ने योजना वडा समितिको छ । गत दुई वर्षमा आठ वटा ट्याङ्की मर्मत गरेर २०० घरमा खानेपानी वितरण गरिएको थियो ।
बिर्तामोड । बिर्तामोडस्थित अतिथी सदनमा नेपाल पत्रकार महासंघ झापा शाखाले २६ जना झापाली पत्रकारलाईपुरस्कार तथा…
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…