उद्धार उडानको भाडा घट्यो, घटेको भाडा सूचीसहित

३० जेठ, काठमाडौं । चौतर्फी विरोध भएपछि सरकारले विदेशबाट नेपाली ल्याउन तोकेको भाडादर थोरै घटाएको छ । संस्कृति पर्यटन तथा नागरिक उड्डयन मन्त्रालयका अनुसार आंशिक संशोधनपछि अब विभिन्न प्रमुख श्रम गन्तव्य मुलुकको भाडा ५ हजारदेखि साढे ९ हजारसम्म घटेको छ ।
नेपाल एयरलाइन्सकी प्रवक्ता अर्चना खड्का हाल तय भएको भाडादर आफूहरुले प्रस्ताव गरेकै हाराहारीमा रहेको बताउँछिन् ।उनले भनिन् । सरकारले प्रमुख श्रम गन्तव्यहरुको उडानमा ४५ देखि ८० डलरसम्म मूल्य घटाएको छ ।

सरकारले जापान, बैंकक, हङकङ, बंगलादेश र भारतको भाडादर यथावत राखेको छ । अष्ट्रेलियबाट फर्किन १ लाख ९५ हजार भाडादर तोकिएको छ ।

भाडादर घटेपछि पनि विशेष गरी विदेशमा अलपत्र कामदारहरुले यसको विरोध गरिरहेकै छन् ।

ओमानबाट सस्तो भाडा नेपालीहरु र्फकँदै

नेपालको श्रम गन्तव्य मुलुक ओमानबाट जून १५ र २१ तारेखमा प्रतिव्यक्ति करिब २९९ डलर तिरेर नेपालीहरु स्वदेश र्फकदैछन् । तर, सरकारले भने ओमनको भाडा ४६० डलर तोकेको छ । यसअघि सरकारले ५१० डलर भाडा तोकेको थियो । तर, सर्वत्र विरोध भएपछि ५० डलर घटाइएको छ ।

ओमान दूताबासका कर्मचारीले दिएको जानकारी अनुसार त्यहाँबाट प्रतिव्यक्ति करिब ३४ हजार नेपाली रुपैयाँमा काठमाडौं ल्याउन सलाम एयर तयार भइसकेको छ । तर, आफ्नै देशको सरकारले तोकेको भाडा चाहिँ करिब साढे ५५ हजार पुग्छ ।

                   सरकारले तोकेको नयाँ र पुरानो भाडादर