नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

सडकका खाल्टा कालोपत्रे, सिद्धार्थ राजमार्गको पाल्पा खण्डमा यात्रा सहज हुँदै

२०७७, १० भाद्र बुधबार २०:५४

भबिन्द्र गौतम, पाल्पा । कोरोनाले पाल्पा जिल्लामा निषेधाज्ञा भएको समय सदुपयोग गरी डिभिजन सडक कार्यालय पाल्पाले सिद्धार्थ राजमार्गमा परेका खाल्टाखुल्टी कालोपत्रे गर्न थालेको छ । इमल्सन प्याच अर्थात कोल्ड मिक्क प्रविधिबाट तानसेनदेखि झुम्सासम्म सडकका बिचमा परेका खाल्टाखुल्टी कालोपत्रे काम शुरु भएको छ । सिमसिम पानी अर्थात् केही चिसोमा पनि खाल्टा पुर्न सकिने प्रविधि भएकाले निषेधाज्ञाको मौका छोपेर कार्यालयकै उपकरण, लेन्थवर्ककर र कर्मचारीले धमाधाम काम गरेका छन् । ठेक्काबाट गर्दा समय लाग्ने भएकाले सवारी नचलेको मौका छोपेर आफ्नै जनशक्तिबाट काम थालिएको डिभिजन सडक कार्यालय पाल्पाका प्रमुख मुकुन्दराज अधिकारीले बताउनु भयो ।

३५ ड्रम्म अर्थात सात टन इमल्सन खरिद गरेकाले त्यसले पुग्ने जती खाल्टा सकेसम्म चाँडो कालोपत्रे गर्ने गरी काम भएको छ । इमल्सन, इन्धन, अन्य सामग्रीहरु सहित करिब १५ लाख बराबरको काम हुनेछ । अलकत्रमा पकाएर गर्न भन्दा सहज र एक घण्टा भित्रै सेट हुने भएकाले सडकका स–साना खाल्टाहरुका लागि निकै उपयोगी हुने देखिन्छ । सडकको खाल्टामा बेस राखेर रोलिङ्ग गरेपछि १० एम.एम भन्दा सानो चिप्सलाई इमल्सन धोलेर बिच्छाउने र रोलिङ्ग गरेपछि सेट हुने गर्दछ । बेस माथी करिब ३ सेन्टीमिटर बराबरको कालोपत्रे बिच्छाइएको छ ।

पाल्पामा २ बर्ष अगाडी २ ड्रम इमल्सनको काम भएको त्यो अहिलेसम्म रहेकाले कम जनशक्तिबाट चिसो स्थान तथा चाँडो काम सक्नुपर्ने तथा स–साना परिमाणका लागी अति उत्तम रहेको इन्जिनियर रामविहारी चौधरीले बताउनु भयो ।
सिद्धार्थ राजमार्ग अन्तर्गत गौडेपुल देखि चिडियाखोला सम्मको पाल्पा खण्डको बाटोमा खाल्डाखुल्डीले गर्दा निकै सास्ती ब्यहोर्नुपरेको थियो । यो बाटोमा यात्रा गर्ने यात्रु र सवारीका चालकलाई निकै जोखिम बढेको थियो । माथिबाट ढुङ्गा खस्ने र बाटोमा रहेका खाल्डाखुल्डीका कारण सवारीसाधनले क्षेती ब्यहोर्नुपरेको थियो । अब भने यो समस्या केही सामाधान हुने देखिन्छ ।

Comments

ताजा खबर