तानसेन वडा न २ ले विपन्न घरपरिवारलाई राहत प्रदान ।

सन्ताेष गहतराज , पाल्पा,बैशाख २३ । तानसेन नगरपालिका वडा नं २ ले विपन्न घरपरिवारलाई सहुलियतमा करिब २६० घरपरिवारलाई राहत प्रदान गरेकाे छ ।

वडा कार्यालयले नगरपालिकाले निर्धारण गरेकाे मापदण्ड अनुसार वडा भित्रका विपन्न जनजाति १७०,खस क्षेत्री अन्य ६१,अल्पसंख्यक मुस्लिम १७,दलित १६ र आप्रबासी १२ गरि करिब २६० घरपरिवारलाई सहुलियतमा राहत प्रदान गरेकाे वडा अध्यक्ष वरूण प्रसाद रेग्मीले बताउनु भयाे । 

वडाले सहुलियतमा चामल,दाल,नुन,तेल लगाएत अन्य अत्यावश्यक बस्तु प्रदान गरिएकाे वडा सदस्य शान्ति झेडीले बताउनु भयाे ।  राहत वितरण कार्यक्रममा महेश्वर श्रेष्ठ , मन्जु रणपाल लगाएको सहभागिता रहेकाे थियाे ।

वडाले पहिलो चरणमा दैनिक ज्यालादारी तथा काेठा भाडामा बस्ने करिब १०५ विपन्न घरपरिवारलाइ राहत प्रदान गरिसकेकाे छ । अब लकडाउन लम्बिएमा राहत प्रदान गरिने वडा कार्यालयले जनाएको छ ।