डा केसीको पक्षमा चिकित्सकहरुको धर्ना

डा केसीले १९औं अनसन सुरु गरेको आइतबार २१ दिन पुगेको छ। उनले गत भदौ २९ गते जुम्लाबाट अनसन सुरु गरेका थिए।डा केसीको स्वास्थ्य अवस्था झन् जटिल हुन थालेको छ। उनका सहयोगी डा तोसिमा कार्कीका अनुसार उननाई छाती दुख्ने र सास फेर्न गाह्रो हुने समस्या देखिएको छ।

कार्कीका अनुसार डा केसीलाई अक्सिजन चाहिने भएको छ र अक्सिजन सपोर्टमा राखिएको छ। डा केसीले अन्य अत्यावश्यक तत्व र औषधिहरु भने लिन मानेका छैनन्। सरकारले वार्ता प्रक्रिया अघि बढाएको छैन। गत बिहीबार सरकारका प्रवक्ता प्रदीप ज्ञवालीले अनसन फिर्ता लिन आग्रह गरेका थिए। तर डा केसीले भने अस्वीकार गरेका थिए।