एजेन्सी , असोज १६ । चीनमा टिकटकमा चर्चित एक युवतीलाई ‘लाइभ’ गरिरहेकै बेला उनका पूर्वपतिले पेट्रोल खन्याएर आगो लगाई मारेका छन्।
बीबीसीका अनुसार चिनियाँ संस्करणको टिकटक ‘डोइन’मा चर्चित लामु नामकी महिलालाई जिउँदै जलाइएको हो।स्थानीय सञ्चारमाध्यमका अनुसार आक्रमण भएको २ सातापछि बुधबार उनको मृत्यु भएको हो।
चीनको सिचुवान प्रान्तकी ३० वर्षीया लामुले गत सेप्टेम्बरमा अन्तिम भिडिओ पोस्ट गरेको डेली मेलले जनाएको छ। भिडिओमा उनले आफ्ना प्रशंसकलाई परम्परागत तिब्बती भाषाको गीत गाउँदै शुभकामना दिएकी थिइन्।
त्यसकाे भोलिपल्ट नियमित लाइभमा आएकी लामुको लाइभ स्क्रिन कालो भएको थियो र लाइभ हेरिरहेका प्रयोगकर्ताले उनी चिच्याएको आवाज सुनेका थिए।
त्यसको २ दिनपछि उनकी दिदीले घटनाको जानकारी दिएपछि उनलाई लाइभमै जलाइएको खुलासा भएको हो। घटनामा संलग्न आरोपमा लामुका पूर्वपतिलाई पक्राउ गरी अनुसन्धान गरिरहेकाे चिनियाँ प्रहरीले जनाएको छ।
टिकटकमा उनले ग्रामीण जीवन झल्काउने भिडिओ पोस्ट गर्ने गर्थिन्। जसका कारण उनी चर्चित थिइन्। टिकटक भिडिओमा लाखौं ‘लाइक्स’ आउँथे।
गत सेप्टेम्बर १४ मा उनीविरुद्ध आक्रमण भएको स्थानीय प्रहरीले जनाएको छ। उनलाई बचाउने आर्थिक सहयोग संकलन गरी अस्पताल भर्ना गरिए पनि नसकिएको बताइएको छ।यो घटनाले चीनमा हुने महिला हिंसालाई पुनः सामाजिक सञ्जालमा आलोचनाको प्रमुख विषय बनाएको छ।
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…
प्युठानको गौमुखी गाउँपालिका–६ लिवाङ बुक्तिचौरमा फुलेको लालीगुराँस। ढकमक्क फुलेको लालीगुराँसले अत्यधिक रूपमा आन्तरिक पर्यटकलाई आकर्षित…