काठमाडौं, माघ १२ । मेलम्चीको पानी सुन्दरीजल प्रशोधन केन्द्रमा खस्नेबित्तिकै उपत्यकामा वितरणका लागि तयारी भइरहेको छ ।काठमाडौं उपत्यका खानेपानी लिमिटेड आयोजना कार्यान्वयन निर्देशनालयले शुक्रबार राजधानीमा गरेको पत्रकार सम्मेलनमा ७७ किमि थोक वितरण प्रणालीमध्ये ६७किमि पाइप बिच्छ्याइ सकियको जानकारी दिइयो ।
यसैगरी, ६७० किमि वितरण सञ्जालमध्ये ६४४ किमि पाइप बिच्छ्याइएको निर्देशनालयका प्रवक्ता लीलाप्रसाद ढकालले बताए । बजेट अभावका कारण धुम्बाराही–महाराजगन्ज–सामाखुसी–कलंकी क्षेत्रको ३०० किमि क्षेत्रमा वितरण सञ्जाल स्थापना हुन सकेको छैन । यो क्षेत्रमा पाइप बिच्छ्याउन रु ८ अर्ब बढी बजेट आवश्यक पर्नेछ ।
बजेटका लागि एसियाली विकास बैंकसँग कुरा भइरहेको निर्देशनालयले जनाएको छ । पाइप बिच्छ्याउन भत्काइएको सडकमध्ये ६१ किमि सडक विभागलाई कालोपत्रका लागि सम्झौता भइ काम सुरु भएको छ । विभागले रु ८५ करोडको लागतमा निर्माण एवं कालोपत्र गर्नेछ ।
१०० किमि सडक निर्माण एवं कालोपत्र भने निर्देशनालय आफैंले गर्नेछ । यसको लागत रु एक अर्ब छ । भत्काइएकामध्ये २८ किमि सडक निर्माण सम्पन्न भएको छ । सिन्धुपाल्चोकको हेलम्बु गाउँपालिकादेखि काठमाडौंको गोकर्णेश्वर नगरपालिका–१ सुन्दरीजलसम्मको २७.५ किमि दूरी सुरुङमध्ये अब ३०० मिटरमात्र खन्न बाँकी छ ।
सुरुङको ३०० मिटरको काम सकेरभित्रको कामलाई अन्तिमरुप दिइ चैत १५ अर्थात् मार्चको अन्तिमसम्ममा पानी उपत्यकामा खसाल्ने मेलम्ची खानेपानी आयोजनाको लक्ष्य छ । उपत्यकामा पानी वितरण गर्न ८४ हजार २१७ घरमा धारा जडान गर्नुपर्नेमा हालसम्म ४५ हजार १८६ घरमा धारा जडान भइसकेको प्रवक्ता ढकालले सुनाए ।
सुन्दरीजलमा ८ करोड ५० लाख लिटर पानी प्रशोधनका लागि अत्याधुनिक प्रशोधन केन्द्र निर्माण भइसकेको छ । अर्को ८ करोड ५० लाख लिटर पानी प्रशोधन केन्द्र निर्माण भइरहेको छ । पहिलो चरणमा मेलम्चीखोलाको दैनिक १७ करोड लिटर पानी राजधानी ल्याइनेछ । दोस्रो चरणमा यांग्री र लार्केखोलाको १७/१७ गरी ३४ करोड लिटर पानी ल्याउने तयारी भइरहेको छ ।
मेलम्चीको पानी आएपछि उपत्यकावासीलाई दैनिक पाँच घन्टासम्म र यांग्री र लार्केखोलाकोसमेत गरी दैनिक ५१ करोड लिटर पानी आउन थालेपछि २४सै घन्टा पानी वितरण गर्ने निर्देशनालयको लक्ष्य छ । रासस
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…
प्युठानको गौमुखी गाउँपालिका–६ लिवाङ बुक्तिचौरमा फुलेको लालीगुराँस। ढकमक्क फुलेको लालीगुराँसले अत्यधिक रूपमा आन्तरिक पर्यटकलाई आकर्षित…