भबिन्द्र गौतम,पाल्पा, भदौ ५ ।
प्रमुख जिल्ला अधिकारी मनोहरप्रसाद खनालले जिल्लालाई सुचना मैत्री जिल्लाको रुपमा विकास गर्ने बताएका छन् । हालै पाल्पा जिल्लाको प्रमुख जिल्ला अधिकारीको रुपमा आएका खनालले आईतबार ११ औं राष्ट्रिय सूचना दिवसको अवसर पारेर पत्रकारहरु सँग कुराकानी गदै जिल्लाका सबै कार्यालयहरुलाई सूचना मैत्री बनाउन योजनाबद्ध रुपमा काम गर्ने बताएका हुन् ।
प्रजिअ खनालले जिल्लामा शान्ती सुरक्षा कायम गर्दै, प्रशासनिक क्रियाकलापलाई चुस्त दुस्त बनाउन सक्रिय भएर लाग्ने पनि बताएका छन । उनले शान्ती सुरक्षा सँगै, शुसासन कायम राख्न, भौतिक पूर्वाधार अन्र्तगत विकास निर्माणका काममा सक्रिय रहने बताए । धनकुटा, कञ्चनपुर डोटी लगायतका जिल्लामा प्रमुख जिल्ला अधिकारीको रुपमा काम गरिसकेका प्रजिअ खनालले समयमा काम सम्पन्न नगरेका निर्माण व्यवसायीहरुको नाम लिष्ट प्रशासन कार्यालयमा आईसकेकाले कार्यालय प्रमुख र निर्माण व्यवसायीहरुलाई जुटाएर भौतिक पुर्वाधार निर्माणको विषयमा चासो दिने प्रजिअ खनालले बताए ।
मालपोत र नापी कार्यालयमा अप्रत्यक्ष रुपमा लेनेदेनको कारोवार हुँदै आएकाले नियन्त्रण गर्न पत्रकारहरुले प्रजिअ खनाललाई सुझाव दिएका थिए । तानसेन बुटवल सडक ५ बर्ष हँुदा सम्म मर्मत नभएको, माडी चक्रपथ सडकको ग्रावेल भत्किएको, अर्चले स्वास्थ्य चौकीको भवन १० बर्ष हँुदा सम्म हस्तानतरण नभएको, बजारमा १ बर्षदेखी अनुगमन नभएको, ट्राफिक व्यवस्थापन राम्रो नभएको, स्थानीय तहमा अनियमिता बढ्दै गएकाले सोही अनुसार भुमिका खेल्न पत्रकारहरुले सुझाव दिएका छन् ।
कार्यक्रममा पत्रकार महासंघ पाल्पाका अध्यक्ष राजेश कुमार अर्याल, बरिष्ठ पत्रकार मेघराज शर्मा, पुर्व अध्यक्ष गोविन्द भट्टराई, भगवान भण्डारी लगायतका पत्रकारहरुले प्रजिअ खनालाई केही काम गर्छु भन्ने ईच्छा शक्ति जगाएर काम गर्न सुझाव दिएका थिए । जिल्लाको शान्ती सुरक्षा, शुसासन कायम गर्न सक्रिय भुमिका खेल्न प्रजिअ खनाल लाई पत्रकारहरुले आग्रह गरेका छन् । पाल्पाको मदनपोखरामा जन्मिएका प्रजिअ खनालले शारदा मावीबाट एसएलसी र त्रिभुवन बहुमुखी क्याम्पसबाट स्नातक अध्यन पास गरेका हुन ।
२०३९ साल देखी निजामती सेवामा प्रवेश गरेका खनाल तेस्रो सहसचिवको रुपमा जिल्ला प्रशासन कार्यालयमा पाल्पामा आएका हुन । यस अघि सह सचिवको रुपमा बाबुराम गौतम र विष्णु प्रसाद ढकाल पाल्पाको प्रजिअ रुपमा काम गरेका थिए ।
बिर्तामोड । बिर्तामोडस्थित अतिथी सदनमा नेपाल पत्रकार महासंघ झापा शाखाले २६ जना झापाली पत्रकारलाईपुरस्कार तथा…
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…