बैशाख ६, पाल्पा ।
देशैभरी लकडाउन भएपछि ताजा तरकारी उपभोग गर्न नपाएका तानसेनबासी लाई केही राहत मिल्ने भएको छ । तानसेन नगरपालिका र मदनपोखरा कृषि बहुउद्देश्यीय सहकारी संस्थाको सहयोगमा यो अवसर जुटेको हो । यसको संयोजन भने तानसेन नगरपालिकाद्वारा गठित तानसेन युवापरिषद्ले गर्ने छ । शनिवार एक सूचना जारी गर्दै आइतवारबाट बिहान ९ बजेदेखि ११ बजेसम्म तरकारी लिएर टुँडिखेलबाट नारायणस्थानहुँदै शित्तलपाटी सम्म पुग्ने र नगरबासीको माग अनुसार अन्यत्र रुट बनाइ फरक फरक ठाउमा लगिने नगर युवापरिषद्का अध्यक्ष गुराँस आत्रेयले जानकारी दिए । काउली प्रति किलो रु २०, बन्दा प्रति किलो रु १०, काक्रो प्रति किलो ३५ बजार मूल्य आइतवार को लागि कायम रहेको उनले बताए । ५/५ किलाेकाे प्याकेट बनाइ १०० र ५० रुपैयाँमा आफ्नाे घर अगाडि मात्र किन्न पाइने ब्यवस्था युवापरिषद्ले गरेको छ ।
आइतवारको लागि दुई गाडी ताजा तरकारी तानसेन ल्याउने तयारी भएको र सामाजिक दुरि कायम गरि बिक्री बितरण गरिने उनले अध्यक्ष आत्रेयले जानकारी दिए । युवा परिषद्को यो कार्यबाट लकडाउन को बेलामा ताजा तरकारी खान नपाएका बजारबासीलाई राहत मिल्ने अपेक्षा गरिएको छ ।
