गायक रामचन्द्र चन्द र उनकी आमा पुनम चन्दको स्वर रहेको गीत खोली निउरो सार्वजनिक भएको छ ।
आज्ञा क्रिएशनको प्रस्तुती रहेको गीतमा आधुनिक सहरको खोजीमा मानिसहरु सहर केन्द्रित भएपछि पहाडी बस्तीका घर पाखा सुनसान हुन लागेको कथा छ । त्यसैगरी छोरा छोरीहरु सहर पसेपछि गाउँमा भएका आमा बुवालाई बृद्धाश्रममा लगेर राख्ने गरेको पछिल्लो घटनाक्रमलाई गीतमार्फत प्रस्तुत गरिएको छ ।
गीत तथा संगीत हेमन्त खरालको रहेको छ भने एरेन्ज रामचन्द्र चन्द आफै गरेका छन् । भिडियोको छायाँकन बसन्त महर्जनले गरेका छन् ।युट्यूवमा हेर्न सकिने यो गीतको निर्देशन हेमन्त खरालले र सम्पादन अमृत चापागाईले गरेका छन् ।
पहाडी जीवनको वस्तुस्थिति गीतमार्फत मार्मिक ढंगले प्रस्तुत गरिएको छ । चन्दका सिर्जनाहरु सुन्ने खालका हुन्छन् ।भिडियोको नाम खोली निउरोलाई केन्द्रमा राखेर त्यसैको सेरोफेरामा गीतलाई केन्द्रित गरिएको छ ।
