चितवन- रवि लामिछाने नेतृत्वको राष्ट्रिय स्वतन्त्र पार्टीले चितवनको कुरिटनारमा गठबन्धनका कार्यकर्ताले आफ्नो चुनावी टोलीमाथि आक्रमण गरेको आरोप लगाएको छ।
लामिछानेकै नेतृत्वमा कुरिनटारबाट नारायणगढतर्फ अघि बढेको चुनाव प्रचार टोलीमाथि फिस्लिङतर्फ गइरहेको गठबन्धनको चुनावी र्यालीबाट आक्रमण भएको आरोप पार्टीका कार्यकर्ताहरुले लगाएका छन्।
घटनालगत्तै उम्मेदवार लामिछानेले यो आक्रमणलाई आफूमाथिको आक्रमणका रूपमा लिएको भन्दै सत्ताको आडमा अपराध भएको आरोप लगाएका छन्। उनले कुटपिट र तोडफोडको घटनामा संलग्नहरूमाथि कारबाहीको माग गरेका छन्।
लामिछानेको गाडीको पछाडि रहेको अर्को गाडीमा गठबन्धन कार्यकर्ताले ढुंगामुढा प्रहार गर्दा क्षतिग्रस्त भएको र एक जना कार्यकर्ता घाइते भएको पनि राष्ट्रिय स्वतन्त्र पार्टीले जानकारी दिएको छ।
Comments
