तनहुँ: नेसनल प्याब्सन केन्द्रीय समितिको दोस्रो पुर्ण बैठक कार्तिक १८-१९ तनहुँको ब्यास नगरीमा दमौलीमा तनहुँ जिल्ला समितीको आतिथ्यतामा सम्पन्न भएको छ । राष्ट्रिय अध्यक्ष पाण्डव हमाल ठकुरीले पानसमा दिप प्रज्वलन गरी बैठकको उद्घाटन गर्दै संगठनलाई चुस्त , दुरुस्त र चलायमान बनाउदै शैक्षिक , आर्थिक र संगठानिक नीतीहरुलाई स्पष्ट पार्दर्शी बनाउने । पालिका , जिल्ला , प्रदेश र केन्द्र बिचको सम्बन्ध अनि कार्यनीति , नितीलाई समयानुकूल प्रगाढ बनाउने कुरामा प्रतिबद्धता ब्यक्त गरे ।
बालबालिकाहरुलाई केन्द्रबिन्दुमा राखी शिक्षालाई उच्च प्राथमिकता दिँदै निजि विद्यालयहरुको संरक्षण, सम्बर्द्धन, समृद्धिका नयाँ योजनाहरु ल्याउने कुरामा पनि आफू अगाडि बढ्ने कुरामा ढुक्क हुन सबैलाई अनुरोध गरे । सरकारी नियम कानुनहरुमा निजी विद्यालयहरुका सवालमा समय सापेक्ष मैत्रीपूर्ण र सम्मानजनक बनाउन लागिपरेको र थुप्रै नीतीगत छलफलबाट सो कुरा प्राप्त हुँदै पनि आइरहेको बताए । मंसिर ४ मा हुन गइरहेको आसन्न संघ र प्रदेशको निर्वाचनमा प्रतिनिधित्व गर्ने राजनीतिक दलहरुको आगामी कार्यक्रम र घोषणा पत्रलाई गम्भीर ढंगले हेरेको र मुलुकमा रहेको निजी शिक्षालयहरुको सम्बन्धमा त्यति धेरै चासो नराखेको देखिएकोले समयमै महत्त्वका साथ सोच्न र आफ्ना कार्यक्रमहरु ल्याउन सबै राजनीतिक दलहरुलाई सुझाव दिइएको पनि सो बैठकमा बताए ।
बैठकमा संगठनका उपाध्यक्षहरुलाई अघिल्लो बैठकले विभिन्न बिभागहरुको जिम्मेवारी प्रदान गरेको थियो । सोहि अनुसार यस बैठकमा उपाध्यक्ष एवं विभागका प्रमुखहरुले प्रतिबेदन प्रस्तुत गरेका थिए । नेशनल प्याब्सनको २५औ स्थापना दिवस पौष २७ गते भब्यरुपमा मनाउन बिद्यार्थी र विद्यालयहरुलाई समावेश गरी राष्ट्रिय स्थरमा नृत्य र बक्तृत्वकला कार्यक्रम गर्नुका साथै नेशनल प्याब्सन इतिहास डोकुमेन्ट्री तयार गरि प्रस्तुत गर्ने लगायतका निर्णयहरु गरेको थिए । पूर्व मेचीदेखि पश्चिम महाकालीसम्मका सदस्य एवं पदाधिकारीहरुको उपस्थिति रहेको बैठकमा उपाध्यक्ष तिलक चौहानले स्वागत मन्तव्य र सह अध्यक्ष सुवस न्यौपानेले सबै उपस्थित सदस्य एवं पदाधिकारीहरु, आयोजक जिल्ला तनहुँलाई धन्यवाद ज्ञापन गरेका थिए भने बैठकको संचालन महासचिव पारसमणी दहालले गर्नुभएको थियो ।
