झापा – नेपाल कम्युनिष्ट पार्टी एमाले अध्यक्ष केपी शर्मा ओलीले उम्मेदवारी दिएको निर्वाचन क्षेत्र झापा–५ मा प्रतिनिधिसभा सदस्य पदका लागि २७ जनाले मनोनयन दर्ता गराएका छन्। जिल्ला निर्वाचन कार्यालय झापाका अनुसार मनोनयन दर्ता गराउनेमा स्वतन्त्र उम्मेदवार मात्रै १४ जना रहेका छन्। आगामी मङ्सिर ४ गते हुने प्रतिनिधि र प्रदेशसभा सदस्यको निर्वाचनका लागि आइतबार मनोनयन दर्ता गराइएको थियो।
प्रतिनिधि सभा सदस्यको प्रत्यक्ष निर्वाचनका लागि मनोनयन दर्ता गराउनेहरूमा केपी शर्मा ओली (नेकपा एमाले), इन्द्रमणि दाहाल (स्वतन्त्र), ओममाया आङ्देम्बे (जनता समाजवादी पार्टी, नेपाल), कल्पना लावती (स्वतन्त्र), कविन्द्र शेर्मा (संघीय लोकतान्त्रिक राष्ट्रिय मञ्च), केदारनाथ चापागाईं (स्वतन्त्र), खगेन्द्र अधिकारी (नेपाली कांग्रेस), चन्द्रप्रसाद राजवंशी (लोकतान्त्रिक समाजवादी पार्टी), तिर्थेश्वर चौधरी (स्वतन्त्र), तुलसीराम काफ्ले (स्वतन्त्र), दिपककुमार पाठक (स्वतन्त्र), पदमबहादुर जवेगु (राष्ट्रिय जनमुक्ति पार्टी) रहेका छन्।
त्यसैगरी विष्णुप्रसाद सिग्देल (स्वतन्त्र), भीम राजवंशी (जनमत पार्टी), भेषराज भट्टराई (स्वतन्त्र), राजन चुँडाल (नेश्नलिष्ट पिपल्स पार्टी), रामप्रसाद पाठक (सचेत नेपाली पार्टी), रामचन्द्र बानियाँ (स्वतन्त्र), रुद्रप्रसाद दाहाल (नेपाल मजदुर किसान पार्टी), रेवतीरमण खनाल (स्वतन्त्र), रोहितप्रसाद पौडेल (स्वतन्त्र), शान्ता अधिकारी (स्वतन्त्र), सुरेशकुमार पोखरेल (राष्ट्रिय स्वतन्त्र पार्टी), सानबहादुर मेचे (मंगोल नेशनल अर्गनाइजेसन), सीताराम पोखरेल (स्वतन्त्र), सुलोचना राजवंशी (स्वतन्त्र) र सेखरनाथ सेडाईं (नेपाली कांग्रेस बी.पी.) ले उम्मेदवारी दिएका छन्।
