काठमाडाैँ – सिक्लेस हाइड्रोपावर कम्पनीले बुधबारदेखि सर्वसाधारणका लागि आइपीओ बिक्री खुला गर्दैछ। यही भदौ २९ गते बुधबारदेखि ११ करोड ५० लाख रुपैयाँ बराबरको ११ लाख ५० हजार कित्ता आइपीओ जारी गर्न लागेको कम्पनीले जनाएकाे छ ।
जसमध्ये ५ प्रतिशत अर्थात् ५७ हजार ५०० कित्ता सामूहिक लगानी कोष र ३ प्रतिशत अर्थात् ३४ हजार ५०० कित्ता सेयर कर्मचारीहरुका लागि छुट्याइएको छ। बाँकी १० लाख ५८ हजार कित्ताका लागि सर्वसाधारणले आवेदन दिन सक्ने कम्पनीले जनाएकाे छ ।
कम्पनीका अनुसार साे आइपीओमा असोज २ गतेसम्म आवेदन दिन सकिनेछ। यस अवधिमा सबै सेयर बिक्री नभएमा असोज १२ गतेसम्म आवेदन दिन सक्नेछन्।
लगानीकर्ताले यसमा न्यूनतम १० कित्तादेखि अधिकतम १ लाख कित्ताको लागि आवेदन दिन सक्नेछन् । लगानीकर्ताले सी-आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् ।
रेटिङ एजेन्सी कियर नेपालले सिक्लेसको आइपीओलाई ‘कियर एनपी रेटिङ डबल बी प्लस’ प्रदान गरेको बिक्री प्रबन्धक बीओके क्यापिटल मार्केटले जनाएकाे छ ।
