सडक भासिएर सिद्धार्थ राजमार्ग पुर्ण रुपमा अवरुद्ध

पाल्पा, १६ भदौ । बुटवल पाल्पा खण्डको केराबारी नजिक  हिउदे खोला नजिकै सडक भासियर यातायात पुर्ण रुपमा अबरुद्ध भएको छ । सडक डिभिजन पाल्पाका सूचना अधिकारी महेश्वर लम्सालका अनुसार नया डाइभर्सनको काम शुरु भैसकेको छ। नया डाइभर्सन तयार गर्ने गरि काम भैरहेको छ ।

पाल्पाको तिनाउँ गाउँपालिका–५, हिउँदेखोला नजिक झन्डै ५० मिटर सडक भासिएको हो । भासिएको सडकमा डाइभर्सन गराउन कम्तीमा २० घण्टा लाग्ने प्रमुख जिल्ला अधिकारीले जनाएका छन्। राजमार्गमा पाल्पाबाट बुटवल जाने र बुटवलबाट पाल्पा तर्फ आउने सवारी साधनहरु हिउँदे खोलामै रोकिएका छन् । तस्बिर : जिल्ला प्रहरी कार्यालय पाल्पा ।