तानसेन : गएराती देखीकाे बर्षाका कारण पहिरो झर्दा अवरुद्ध भएकाे तानसेन बुटवल सडक खण्ड एकतर्फी सञ्चालन भएकाे छ । केही छिन पानी पर्न राेकिएपछी पहिरो पन्छाएर सडक खाेलीएकाे छ ।
सिद्धार्थ राजमार्गको तानसेन बुटवल सडकखण्डको सिद्धवावा, झुम्सा, पानीमिल, हिउँदे खोला, चर्चरे, कालिमाटी क्षेत्रमा झरेको पहिरोको कारण सडक सडक अवरुद्ध भएको थियाे । वुटवल वाट पाल्पा आएका यात्रु गाेपाल पाैडेलले भने अहीले निरन्तर पानी परेकाले यात्रा गर्न जाेखिम नै रहेकाे छ ।
सिद्धार्थ राजमार्ग तानसेन पोखरा सडक खण्डको बगनासकाली गाउँपालिका- ५ राम्दी क्षेत्रका सेरा जामुने र रम्भा गाउँपालिकाको वडा -३ पिपलडाडा क्षेत्रमा पहिरोको सडक अवरुद्ध रहेको छ ।
तानसेन तम्घास सडक अन्तरगत रिव्दीकोट गाउँपालिका-२ जोर्ते निर पहिरो खसेको छ भने तानसेन नगरपालिका वडा १४ अर्गली रिडी क्षेत्रमा पहिरो झरी सडक अवरुद्ध रहेको छ ।
