झापा , झापाको भद्रपुर नगरपालिका वडा नं २ को वडाध्यक्षमा नेपाली कांग्रेसका रामबहादुर कँडेल निर्वाचित भएका छन् ।
गठबन्धनका तर्फबाट कांग्रेसका उम्मेदवार कँडेलले एमालेका भीमबहादुर सुब्बालाई २३९ मतले हराएका हुन् । कँडेलले १३०९ मत ल्याउँदा सुब्बाले १०७० मत पाएका छन् ।पराजित भएका सुब्बा निवर्तमान वडा अध्यक्ष हुन् ।
कांग्रेसले वडाध्यक्ष जितेपनि वडाको सदस्य सबै एमालेले जितेको छ । एमालेका तर्फबाट महिला सदस्य ममता लिम्बुले ११२१ , दलित महिला सदस्य देविका वस्यालले ११३४ , खुल्ला सदस्य द्रोणविक्रम कोइराला, लीलानाथ निरौलाले क्रमश ११०६ र १०५८ मत ल्याई विजय हासिल गरेका छन् । भद्रपुरको वडा नं १ र २ को मतगणना सम्पन्न हुँदा मेयरमा कांग्रेसले २३४७ , एमालेले १७७८ , राप्रपाले १६१५ , उपमेयरमा माओवादीले २१५४ , एमालेले १७०१ र राप्रपाले १६५७ मत ल्याएको छ ।
Comments
