पाल्पा, १ जेठ । रामपुर नगरपालिका वडा नम्बर ९ मा नेपाली काङ्ग्रेसको प्यानल बिजयी भएको छ ।
रामपुर ९ मा नेपाली काङ्ग्रेसका अध्यक्ष उमेदवार डिल बहादुर राना सहितको प्यानल बिजयी भएको हो । रानाले ७६८ ल्याउदा उहाँका प्रतिस्पर्धी नेकपा एमालेका उमेदवार नेत्र बहादुर गाहाले ६८६ मत ल्याउनुभयो ।
त्यसैगरी, महिला सदस्यमा सुन कुमारी रुचालले ७५६ मत दलित महिला सदस्यमा भगवती सुनारले ७६० मत, खुला सदस्यमा तिल बहादुर गाहाले ७५५ मत र नारायण प्रसाद पोखरेलले ७५४ मत ल्याउनुभएको छ । नेकपा एमालेका महिला सदस्यको ६८७ मत दलित महिला सदस्यको ६८५ मत, खुला सदस्य क्रमशः ६८४ मत र ६७० मत आएको छ । नगरपालिकामा मुख्य प्रतिस्पर्धा नेपाली काङ्ग्रेस र नेकपा एमालेको रहेको छ । वडा नम्बर ९ मा कुल २१४४ मत मध्ये १४८१ मत खसेको थियो ।
Comments
