काठमाडौँ– चलचित्र ‘प्रेमगञ्ज’ ले प्रदर्शन मिति घोषणा गरेको छ। चलचित्र २०७९ साल भदौ ३ गतेबाट सिनेमा प्रदर्शनमा आउने घोषणा भएको हो।
निर्माण टोलीले भिडियो सार्वजनिक पनि गरेको छ । चलचित्रको सार्वजनिक भिडियोमा नीर शाह, विकासराज आचार्य, नरेन्द्र महर्जन, छबी ओझा, दिपेन्द्र के खनाल लगायतका व्यक्तिले चलचित्रलाई सिनेमालाई दिएको शुभकामना सहित प्रदर्शन मिति घोषणा गरिएको छ ।
परिच्छेद सेनको लेखन तथा निर्देशन रहेको चलचित्रबाट तेज गिरीले डेब्यु गर्दैछन् । तेज पेसाले बैंकर हुन् । तेज र बेनिशाबाहेक चलचित्रमा सम्पदा बानियाँ पवन भट्टराई, सुप्रिया खनाल, राइडर प्रशान्त, सिमरन खड्का लगायतका कलाकारको अभिनय रहेको छ । सुप्रिया, प्रशान्त, सिमरन अडिसनबाट छानिएका हुन् । चलचित्रमा नरेश पौडेल, रश्मी भट्ट, सञ्जोग रसाइली, गीता अधिकारीको पनि अभिनय रहेको छ ।
राजु फुयालको प्रस्तुति रहेको चलचित्र चलचित्र चौतारीको ब्यानरमा निर्माण गरिएको हो । चलचित्रका कार्यकारी निर्माता अनन्तमान श्रेष्ठ हुन् । सञ्जय लामाको छायांकन रहेको चलचित्रको बजेट डेढ करोड दाबी गरिएको छ ।
