काठमाडौं: एमालेबाट निर्वाचित पुर्व संविधान सभा सदस्य दुमन सिंह थापाको आज आईतवार ६२ बर्षको उमेरमा काठमाडौंको हेम्स हस्पिटलमा सघन उपचारको क्रममा निधन भएको हो ।
थापालाई कोरोना संक्रमणका भएको बताइएको छ । थापाको करिब दुई बर्ष अगाडि मृगौला प्रत्यारोपण भएको थियो । साथै केहि दिन अगाडि साइड इफेक्ट भई थापालाई काठमाडौंको हेम्स हस्पिटलमा सघन उपचार गरिरहेको थियो ।
नरपानीमा जन्मेका थापाले ०७० सालमा अर्घाखाँची क्षेत्र नम्बर २ बाट संबिधान सभामा तत्कालीन एमालेबाट चुनाव जितेका थिए । पछिल्लो समय उहाँ नेकपा (एकीकृत समाजवादी)मा थिए ।
दोस्रो संविधानसभाको निर्वाचनमा अर्घाखाँची जिल्ला क्षेत्र नं. २ बाट नेकपा एमालेबाट विजयी भएका थापाले १६६५० मत प्राप्त गरेका थिए । प्रतिद्वन्दी नेपाली काँग्रेसले १४०३६ मत ल्याएको छ भने एकीकृत नेकपा माओवादी ६८८० मतका साथ तेश्रो स्थानमा रहेको थिए ।
