संक्रमणमुक्त हुने अहिलेसम्मकै संख्या धेरै

जेठ, १४ । एकैदिन अहिलेसम्मकै धेरै संख्यामा निको भएका छन् । संक्रमणमुक्त हुनेको संख्या एकैदिन ९ हजार ८ सय ४१ रहेको छ  । पछिल्लो २४ घण्टामा कोरोना भाइरस संक्रमणमुक्त हुनेको संख्या यो अहिलेसम्मकै धेरै हो । संक्रमितको मृत्यु संख्या पनि घटेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमणबाट ९६ जनाको मृत्यु भएको छ ।

संक्रमण हुनेको संख्या पनि घटेको छ । मन्त्रालयका अनुसार पछिल्लो २४ घण्टामा कोरोना भाइरस संक्रमण हुनेको संख्या ६ हजार ९ सय ५१ रहेको छ । १९ हजार ३१३ पीसीआर परीक्षणमा ६८५५ र ७९७ एन्टिजेन परीक्षणमा ९६ जना गरी ६९५१ जनामा संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ५ लाख ४९ हजार १११ पुगेको छ । सक्रिय संक्रमितको संख्या १ लाख १३ हजार ३९४ रहेको छ ।