पाल्पा, १ माघ । पाल्पा, गुल्मी र स्याङ्जा ३ जिल्लाको संगम स्थल रुरु क्षेत्र धाम रिडिमा आज देखी तिन दिने माघे सक्रान्ती धार्मिक मेला लागेको छ । परम्परादेखी नै कालीगण्डकी रुरु क्षेत्रधाम रिडिमा जेठी, माईली र कान्छी सक्रान्तीको रुपमा धार्मिक मेला लाग्दै आएको छ । यस बर्ष कोभिड १९ को कारण रमाईलो मेला नभएपनि धार्मिक मेला भने रोकिएन । रुरु क्षेत्र क्षेत्र धाम रिडिमा भक्तजनहरु विहानै देखी स्नान गर्ने र ऋषिकेश भगवानको दर्शनको लागी जुटेका छन । 
माघे सक्रान्तीको अवशरमा काली गण्डकीमा स्नान गर्नाले अन्जानमा गरेका सम्पुर्ण पाप नाश हुने, मृत्युपछी स्वर्गमा बास हुने जनबिश्वास रहेको पाईन्छ । स्नान गर्दा वा भगवानको दर्शन गर्दा भिडभाड भएपनि भक्तजनहरुले भने कोभिडको कुनै प्रभाव नगरी रुरु क्षेत्र कालीगण्डकीमा स्नान तथा दर्शन गर्न जुटेका हुन । रुरु क्षेत्रधाम नेपालको चार धाम मध्ये एक भएकोले यसको विशेष धार्मिक महत्व रहेको छ । कालीगण्डकीमा मक्रर सक्रान्ती स्नानको लागी पाल्पा, गुल्मी, अर्घाखाँची, स्याङ्जा, रुपन्देहि, कपिलबस्तु बाट भक्तजनहरु रुरु क्षेत्रधाम रिडिमा पुगेका छन ।
धार्मिक मेलामा रुकुम, रोल्पा, डोल्पाबाट, मनाङ, मुस्ताङबाट काम्लो, कम्मल, राडी, पाखी, बा“सबाट उत्पादित बिभिन्न किसिमका डाला, पाथी, काइयो लगायतका घरेलु सरसमान बिक्रीको लागी रुरु क्षेत्रमा आएका छन । धार्मिक मेलामा गुल्मीको गुड, पाल्पाको सुन्तला विक्रिको लागी राखिएको छ ।
Comments
