नर्वेको राजधानी ओस्लो नजिकैको गाउँका घर पहिरोले पुर्‍यो

नर्वेको राजधानी ओस्लो नजिकैको एक गाउँमा पहिरो गइ घर पुरिँदा ११ जना बेपत्ता भएका छन्।

पहिरोले गाउँका घर पुरिँदा १० जना घाइते भएका छन् । एकजनाको अवस्था गम्भीर रहेको स्थानीय अधिकारीलाई उद्धृत गर्दै अन्तर्राष्ट्रियसञ्चारमाध्यमले जनाएका छन् ।

उद्धारकर्मीहरुले बेपत्ताहरुको खोजी जारी राखेका छन् । राजधानी ओस्लोबाट २५ किलोमिटर उत्तर–पश्चिममा रहेको जेर्ड्रूम गाउँमा पहिरोगएको हो । बेपत्ता हुनेमा बालबालिका पनि छन् ।

पहिरो गएको गाउँबाट झण्डै ९०० जनालाई सुरक्षित स्थानमा सारिएको छ । केही मानिसहरु अझै पनि पहिरोको हिलोमा फँसेको हुनसक्ने प्रहरीले बताएको छ ।

स्थानीय समय अनुसार बुधबार बिहानदेखि पहिरो जान थालेको थियो । स्थानीयले आफ्ना घरहरु पहिरोसँगै बग्न थालेको भनेरआपतकालीन सेवालाई जानकारी गराएका थिए ।