बिर्तामोड- झापाको बिर्तामोडमा क्राइटेरियन एजुकेशन फाउण्डेशन सञ्चालनमा आएको छ । नयाँ वर्षको थालनीसँगै बिर्तामोडमा क्राइटेरियन एजुकेशन फाउण्डेशन उद्घाटन गरिएको छ । बिर्तामोड उद्योग वाणिज्य संघका अध्यक्ष राजु न्यौपाने, नेपाल शैक्षिक परामर्श संघ (इक्यान) झापाका अध्यक्ष रोशन सुवेदीले र बिर्तामोड वार्ड नम्बर ३ का वडाध्यक्ष मदन बुढाथोकीले क्राइटेरियन एजुकेशन फाउण्डेशनको लोगो आवरणको उद्घाटन गरेका हुन् ।
कार्यक्रममा वाणिज्य संघका अध्यक्ष राजु न्यौपानेले विद्यार्थीहरू पढेर आफ्नो ज्ञान सिप सिकेर सिकेका कुरालाई आफ्नै देशमा आएर प्रयोग गर्नुपर्ने धारणा ब्यक्त गरे ।
कार्यक्रममा बोल्दै एक्यान झापाका अध्यक्ष रोशन सुवेदीले कन्सल्टेन्सीहरुले सही मार्ग निर्देशन गर्नुपर्ने बताए ।विद्यार्थीहरूलाई सही दिशामा मार्गदर्शन गर्नुहोला भन्दै क्राइटेरियन एजुकेशन फाउण्डेशनको प्रगतिको कामना गरे । राज मुखियाको अध्यक्षतामा भएको कार्यक्रममा क्राइटेरियन एजुकेशन फाउण्डेशनका दुर्गा खड्काले स्वागत गरेका थिए ।
जापान, युके अस्ट्रेलिया, अमेरिका, लगायतका देशहरुमा रहेका विश्वविद्यालयमा अध्ययनका लागि जान चहाने विद्यार्थीहरुलाई शैक्षिक परामर्श दिने उद्धेश्यले बिर्तामोडमा क्राइटेरियन एजुकेशन फाउण्डेशन सञ्चालन गरिएको छ ।
उक्त कार्यक्रम सञ्चालन बाप्पा शाहले गरेका थिए । कार्यक्रममा विभिन्न कन्सल्टेन्सीका प्रतिनिधि तथा विद्यार्थी, अभिभावक लगायतको सहभागिता रहेको थियो ।
फोटो फिचर
