२४ भदौ, काठमाडौं। प्रधानमन्त्रीबाट राजीनामा दिएका केपी शर्मा ओलीले आफ्नो कदम मुलुकलाई राजनीतिक निकासका लागि भएको बताएका छन् ।
उनले भनेका छन्, “हाल मुलुकमा उत्पन्न असामान्य परिस्थितिलाई ध्यानमा राख्दै संविधानसम्मत राजनीतिक निकास र समस्या समाधानको थप पहलका लागि संविधानको धारा ७७ (१) (क) बमोजिम आजैका मितिदेखि लागु हुनेगरी प्रधानमन्त्री पदबाट राजीनामा दिएको छु।”
ओलीले उत्पन्न संकट समाधान र राष्ट्रिय सहमति निर्माणका लागि आफ्नो राजीनामा मार्ग प्रशस्त हुने विश्वास व्यक्त गरेका छन्।
