काठमाडौं – राष्ट्रिय स्वतन्त्र पार्टी (रास्वपा) का सभापति रवि लामिछानेलाई उच्च अदालत तुलसीपुर, बुटवल इजलासको आदेशपछि शुक्रबार साँझ घरबाट पक्राउ गरिएको छ। सुप्रिम सहकारी ठगी र संगठित अपराधसम्बन्धी आरोपमा उनलाई पुर्पक्षका लागि थुनामा पठाउने आदेश दिइएको हो। काठमाडौं प्रहरीले उनलाई पक्राउ गरी रुपन्देही पठाउने तयारी गरेको छ।
यसअघि, जिल्ला अदालत रुपन्देहीले लामिछानेलाई धरौटीमा छाड्ने आदेश दिएको थियो, तर उच्च अदालत तुलसीपुरले उक्त आदेश बदर गर्दै थुनामा राख्न आदेश जारी गरेको हो। गोरखा मिडिया नेटवर्कका तत्कालीन सञ्चालक छविलाल जोशीलाई पनि थुनामा पठाउने आदेश सदर गरिएको छ।
