काठमाडौं । ललितपुरको झम्सीखेलमा हस्पिटालिटी सेवाका लागि ‘रामबाग महल’ सञ्चालनमा आएको छ । यो ३२ हजार स्क्वायर वर्गफिटमा फैलिएको छ । आकर्षक इन्टेरियर डिजाइनमा यो महल तयार गरिएको छ । यसअघि विभिन्न पार्टी प्यालेस तथा ब्यांक्वेट निर्माण र व्यवस्थापन गर्दै आएका अनुभवी सञ्चालकहरूले नै यसलाई सञ्चालनमा ल्याएका हुन् ।
पाँचतारे होटलमा भन्दापनि अब्बल इन्टेरियर सामग्री प्रयोग गरेर यो निर्माण गरिएको सञ्चालक तथा व्यवस्थापक ऋषभ थापाले बताए । कला संस्कृति झल्किनेगरी रामबाग निर्माण गरिएको छ ।
‘लोकेसन, डिजाइन, इन्टेरियर सेटिङ तथा गुणस्तरीय एवम् विविध भेराइटीका खानाका कारण रामबागले दिने सर्भिस कुनै पाँचतारे होटलभन्दा कम छैन’ थापाले भने । रामबाग भिजिट गर्ने जोकोही पनि यसको सजावट र भव्यता देखेर मत्रमुग्ध हुने गरेको उनी बताउँछन्
ब्यांक्वेट भन्नेबित्तिकै विवाह, व्रतबन्धका लागि पार्टी आयोजना गरिने स्थानका रूपमा बुझ्ने गरिन्छ । तर, रामबागले गोष्ठी, सेमिनार, विभिन्न किसिमका तालिम तथा इभेन्टहरूका लागि पनि सेवा उपलब्ध गराउँछ । करिब दुई हजार जनासम्मको पार्टी आयोजना गर्न सकिने गरी ब्यांक्वेट तयार गरिएको रामबागकी निर्देशक हेलन राणाले बताइन् । पर्याप्त पार्किङ सुविधा भएको राममबाग महललाई ब्यांक्वेटको क्षेत्रमा ‘बेञ्चमार्क’ बनाउने गरी यसको व्यवस्थापन गरिने निर्देशक राणाको भनाइ छ ।
आकर्षक बार, इनडोर तथा आउटडोर स्टेज, भीआईपी डिनर हल, कमन डिनर हल, प्राइभेट डिनर हललगायत सुविधा यहाँ छन् । ग्राहकको बजेटअनुसार सिल्भर, गोल्ड तथा डाइमन्ड गरेर तीन खालको खानाको मेनु तय गरिएको छ ।
आफ्नो बजेटअनुसार मेनु छनोट गर्न सकिन्छ । विवाहका लागि चाहिने पुरोहितदेखि गाडी, बग्गी, बाजा, फोटोग्राफी, भिडियोग्राफी, गाडी डेकोरेसनलगायत सम्पूर्ण प्याकेज सुविधा ब्यांक्वेटमा उपलब्ध छ । रामबागमा सेट गरिएको लाइटिङ सिस्टम तथा वालमा प्रयोग गरिएको कलाले यसलाई आकर्षक देखाएको छ ।
