चितवन । माघिको अवसरमा देवघाटमा माघे सङ्क्रान्ति मेला शुरू भएको छ। कोभिडका कारण तीन वर्ष सम्म रोकिएको मेला पुनः शुरू गर्न लागिएको देवघाट क्षेत्र विकास समितिका अध्यक्ष बद्री अधिकारीले बताए ।
समितिका अनुसार मेलामा पाँच लाख भक्तजन आउने आकलन छ। मेलामा आउनेका भक्तजनका लागि प्रवेशद्वार रामनगरमा र बाहिरिनेका लागी आँपटारीबाट बनाइएको छ।
प्रमुख जिल्ला अधिकारी अस्मान तामाङले माघे सङ्क्रान्ति मेलाको अवसरमा आज र भोलि नारायणगढ मुग्लिन सडकखण्ड नरोकिने बताए। पुल निर्माणका लागि भित्तो काट्ने काम भइरहेकाले पुस ५ गतेदेखि दिउँसोमा सवारी रोकी काम गरिँदै आएको थियो।
