इजरालयबाट फर्कने नेपालीको प्लेनभाडा सरकारले बेहोर्ने

काठमाडौँ- सरकारले इजरायलबाट स्वदेश फर्कन चाहने नेपालीको हवाई खर्च बेहोर्ने भएको छ।

मन्त्रिपरिषद्को बुधबारको बैठकले नेपाल एयरलाइन्सको चार्टर्ड उडानबाट नेपाल फर्कने नेपालीहरुको हवाई खर्च बेहोर्ने भएको हो।

बुधबारको उडानमा परराष्ट्रमन्त्री एनपी साउद पनि जाँदै छन्। उनले उद्धारलगायत अन्य कूटनीतिक कामको अनुगमन तथा समन्वयको जिम्मा पनि पाएका छन्। बुधबारको चार्टर्ड उडानमा २ सय ५० जना नेपाली फर्कदै छन्।

नेपाल एयरलाइन्सको चार्टर्ड उडानबाट इजरालयमा ज्यान गुमेकाहरुको शव भने नल्याइने परराष्ट्र मन्त्रालयकी प्रवक्ता सेवा लम्सालले बुधबार जानकारी दिएकी थिइन्।